Tu âs cirût la peraule
monolengâl
torne indaûr

monolengâl

viertidure s.f.
(vier-ti-du-re)
Il vierzi, il vierzisi e il lôr risultât
esemplis
"e sclopave la Vierte e si disniçave cun viertiduris di cisignocs e pestelacs"
gjavât fûr di "Cjase di Dalban" di Maria Forte
Viôt ancje: vierzidure
viertidure s.f.
(vier-ti-du-re)
Puest par là che si pues passâ di un spazi sierât intun altri spazi
sinonims
buchere, buse, busoc, crepe, crevadure, fal, fressure, lûs, passaç, passadôr, passalizi, sclap, sfese, slambri, spacadure
esemplis
"tal sotscjale dal cjast, che al faseve part de cjamarate e jere une viertidure"
gjavât fûr di "Sense" di Checo Tam
viertidure s.f.
(vier-ti-du-re)
Scomençament (fig.)
sinonims
inaugurazion, inviament, scomençament, scree
esemplis
"la tierce fase e je segnade di une gnove viertidure dal dialic cu la Europe e cu lis istituzions continentâls"
gjavât fûr di "Corsiche, Scozie, paîs Basc, Catalogne, Friûl... Europe" di Marc Stolf
"e jere une zornade di tancj agns indaur, un par di dìs dopo de viertidure de cjace"
gjavât fûr di "Une storie di cjace" di Enea De Colle
viertidure s.f.
(vier-ti-du-re)
Il sei viert pal public
esemplis
"lis primis taulis di concertazion [...] a àn confermât la domande par une limitazion des viertiduris des buteghis tes zornadis festivis"
gjavât fûr di "Cumierç concertazion par vierzi tai dîs di fieste" di Redazion Radio Onde Furlane
viertidure s.f.
(vier-ti-du-re)
Spazi viert, libar, larc
sinonims
largjece, largjure, larc, estension
esemplis
"dute la viertidure dal cîl e jere pal strît di cualchi corvat"
gjavât fûr di "La tiere di Lansing" di Maria Forte
"un mont piçal serât dentri trê cunfins di cresti e una viertidura di plan, ma grant grant par me"
gjavât fûr di "Pesteli" di Novella Cantarutti
viertidure s.f.
(vier-ti-du-re)
Buine disposizion a acetâ, a conforntâsi (fig.)
esemplis
"al cors dai agns otante il Moviment Friûl al varà dai moments di viertidure viers de emitente, [...] ma insom la linie de radio e restarà indipendente ancje di chel partît"
gjavât fûr di "Un Friûl difarent: i 90 mhz di Onde Furlane" di Max Mauro
"Suns Europe al è la dimostrazion concrete dai valôrs dal plurilinguisim e di trop che lis tantis lenghis minoritariis che si fevelin in Europe a pandin viertidure e modernitât."
gjavât fûr di "Suns Europe 2018" di Redazion Radio Onde Furlane
viertidure s.f.
(vier-ti-du-re)
[TS] (zûcs) Intai scacs, primis mossis di une partide
viertidure s.f.
(vier-ti-du-re)
[TS] (ot.) Rapuart tra il diametri e la distance focâl di un obietîf o di une lint
viertidure s.f.
(vier-ti-du-re)
[TS] (sport) Massime tal balon e tal rugby, slargjament dal zûc tes fassis laterâls
viertidure s.f.
(vier-ti-du-re)
[TS] (fon.) Posizion dal sisteme fonic che i permet al aiar di passâ libar
torne sù