SuperDizionari

viodisi v.pron.intr.
(vio-di-si)

Viodi la imagjin di se stes

sinonims

cjalâsi

esemplis

"i gjats e i cjans, che cuant che si viodin denant dal spieli a pensin di jessi denant di un altri animâl"

gjavât fûr di "La evoluzion dal cerviel e de cussience tai vertebrâts" di Franc Fari

viodisi v.pron.intr.
(vio-di-si)

Cun valôr di copule, vê une cierte percezion di se

sinonims

sintîsi

esemplis

"si cjalisi intal spieli, si viodisi dispès brutis, si à pôre di ingrassâ"

gjavât fûr di "Sul florî" di AAVV

viodisi v.pron.intr.
(vio-di-si)

Imagjinâ se stes intune situazion future o ipotetiche

esemplis

"si viodeve za piturât suntun gjornâl de oposizion, cun tant di fotografie sot di un titul bocon par ca"

gjavât fûr di "Il lôf" di Fabian Ros

viodisi v.pron.intr.
(vio-di-si)

Vê un incuintri, cjatâsi insiemi

sinonims

cjatâsi

esemplis

""Anìn dentri, che o ai di contâti tantis robis; al è un biel pôc che no si viodìn, vere? [...]""

gjavât fûr di "Il sium di Lissandri" di Franca Mainardis

""No, no, culì; viodìnsi di cualchi bande, là che e vûl.""

gjavât fûr di "Cretevierte" di Roberto Ongaro

viodisi v.pron.intr.
(vio-di-si)

Vê incuintris sentimentâi o une relazion sentimentâl

sinonims

cjatâsi, lâ, praticâ, lâ fûr, lâ fûr insiemi, morosâ, fâ l'amôr

esemplis

"Tilde si viodeve di scuindon cuntun di Lauçane"

gjavât fûr di "Trê feminis" di Gianni Gregoricchio

viodisi v.pron.tr.
(vio-di-si)

Cjatâsi intune cierte situazion, soredut cence spietâle o cence volêle

esemplis

"Catine un tic si spaurì a viodisi a un dêt dal nâs i ocjaluts de contesse, ma la vôs calme de femine le bonà"

gjavât fûr di "Trê feminis" di Gianni Gregoricchio

"voaltris o sês stufs di viodisi a cressi lis tassis"

gjavât fûr di "La aghe da pît la cleve" di Dino Virgili

monolengâl