SuperDizionari

monolingue

viodisi v.pron.intr.
(vio-di-si)

Viodi la imagjin di se stes

sinonimi

cjalâsi

esempi

"i gjats e i cjans, che cuant che si viodin denant dal spieli a pensin di jessi denant di un altri animâl"

da "La evoluzion dal cerviel e de cussience tai vertebrâts" di Franc Fari

viodisi v.pron.intr.
(vio-di-si)

Cun valôr di copule, vê une cierte percezion di se

sinonimi

sintîsi

esempi

"si cjalisi intal spieli, si viodisi dispès brutis, si à pôre di ingrassâ"

da "Sul florî" di AAVV

viodisi v.pron.intr.
(vio-di-si)

Imagjinâ se stes intune situazion future o ipotetiche

esempi

"si viodeve za piturât suntun gjornâl de oposizion, cun tant di fotografie sot di un titul bocon par ca"

da "Il lôf" di Fabian Ros

viodisi v.pron.intr.
(vio-di-si)

Vê un incuintri, cjatâsi insiemi

sinonimi

cjatâsi

esempi

""Anìn dentri, che o ai di contâti tantis robis; al è un biel pôc che no si viodìn, vere? [...]""

da "Il sium di Lissandri" di Franca Mainardis

""No, no, culì; viodìnsi di cualchi bande, là che e vûl.""

da "Cretevierte" di Roberto Ongaro

viodisi v.pron.intr.
(vio-di-si)

Vê incuintris sentimentâi o une relazion sentimentâl

sinonimi

cjatâsi, lâ, praticâ, lâ fûr, lâ fûr insiemi, morosâ, fâ l'amôr

esempi

"Tilde si viodeve di scuindon cuntun di Lauçane"

da "Trê feminis" di Gianni Gregoricchio

viodisi v.pron.tr.
(vio-di-si)

Cjatâsi intune cierte situazion, soredut cence spietâle o cence volêle

esempi

"Catine un tic si spaurì a viodisi a un dêt dal nâs i ocjaluts de contesse, ma la vôs calme de femine le bonà"

da "Trê feminis" di Gianni Gregoricchio

"voaltris o sês stufs di viodisi a cressi lis tassis"

da "La aghe da pît la cleve" di Dino Virgili

proverbi

"fin che si è vîfs si à sperance di viodisi"

Torna in Cima