SuperDizionari

viodude s.f.
(vio-du-de)

Ce che si viôt, soredut stant intun ciert puest e cjalant cuntune cierte prospetive

sinonims

viste

esemplis

"cjalant dal balcon dal studi, si veve propit la stesse viodude che e jere piturade su chês telis e chest al faseve pensâ che la modele e fos stade li a fâsi piturâ"

gjavât fûr di "Cretevierte" di Roberto Ongaro

Viôt ancje: vedude

viodude s.f.
(vio-du-de)

Piture, fotografie, stampe o dissen cuntun paisaç o un monument, in gjenerâl cun prevalence dai ogjets architetonics e urbanistics a pet di chei naturâi

esemplis

"salacor che a àn crodût di fâ cui sa ce, Raimont Kalcher e ancjemò Clemencic a mandânus viodudis talianis di Vignesie o di Verone"

gjavât fûr di "Pitôrs di là de stangje" di Josef Marchet

"[Luche Carlevariis] tornât a Vignesie ae fin dal Sîscent, si è dedicât a realizâ viodudis"

gjavât fûr di "Storie de art in Friûl" di Bepi Agostinis

viodude s.f.
(vio-du-de)

Maniere di viodi, di considerâ, di pensâ (fig.)

sinonims

prospetive, sfere, cjalade, cjaladure

esemplis

"une viodude divierse de Europe: plui zovine, plui juste, plui democratiche e pluraliste"

gjavât fûr di "Russie e Ucraine e la voie di une Europe miôr" di Marc Stolf

"la cubie Di Pauli-Pecile e torne a cuziâ la panze dal public cuntune propueste gnove che però e cîr di slargjâ lis viodudis e di slontanâsi dai lûcs comuns su la realtât furlane"

gjavât fûr di "“Facchin center”, par rifleti su lis plaiis dal Friûl di vuê" di Serena Fogolini

monolengâl