"avuê dopo misdì e à di rivâ culì in convent une comitive di students e artiscj par visitâ lis operis di art che conservìn cun tante cure entri chescj mûrs"
da "La Madalene" di Zuan Lurinçon
"o soi restât a visitâ stanzie par stanzie la mostre dai cuadris"
da "Viaç a Vignesie" di Arturo Feruglio
visitâv.tr. (vi-si-tâ)
Viodi e verificâ lis cundizions di cdn. o di alc (ancje ass.)
"il miedi visitât il malât al fasè sentenzie: une scaie di bombe a man i jere restade tal cjâf; nol jere nuie ce fâ"
da "La letare de mame" di Pieri Somede dai Marcs
"[i imperiâi] a cirivin di sfuarçâ la man a Rome cul impedî ai patriarcjis di visitâ chê part de diocesi che e jere di là"
da "Cuintristorie dal Friûl fin sot la Italie" di Josef Marchet
visitâv.tr. (vi-si-tâ)
Controlâ cirint alc o cdn.
esempi
"ju visitarin pardut, par viodi se a vevin armis, po ur learin un peçot sui voi"
da "Il muc" di Roberto Ongaro
"e mancjave une possade [di aur]. Alore ducj a vegnin visitâts. Mai sarà che il re al ves spietât chê sope! [...] Lis possadis a jerin propit te sô sachete"
da "Maletegne" di Andreina Nicoloso Ciceri
proverbi
"cui che ti visite tes gnocis e no ta la infermitât nol è to amì par veretât"