Il lâ li di cdn. par stâ in compagnie par amicizie, cortesie, dovê e v.i.
esempi
"ogni tant, no dispès, al vignive in visite a so fradi Bepo, nassût prime di lui che al steve tal palaç in place a pene fat"
da "Come tai romançs" di Alan Brusini
"domenie a vegnin a fânus visite Mafalde e so fi Berto"
da "Trê feminis" di Gianni Gregoricchio
visites.f. (vi-si-te)
Control des cundizions di salût fat di persone dal miedi sul pazient
esempi
"ducj i malâts a stavin a spietâ tes lôr stanziis lis curis o la visite dal dopogustât"
da "Tal ospedâl" di Amedeo Giacomini
"ae visite di coscrit lu vevin scartât a colp"
da "Amîs come prime" di Alan Brusini
visites.f. (vi-si-te)
Viaç fat intun puest par motîfs professionâi, par controlâ lis cundizions di un puest o di un coletîf, par cjapâ contats, informazions, fâ promozion o sim.
esempi
"il president dal Ufici [european pes lenghis mancul pandudis], l'irlandês Donnal Ó Riagain, al ven in visite in Friûl, cun chê di viodi cui siei voi chel che si fâs"
da "Un Friûl difarent: i 90 mhz di Onde Furlane" di Max Mauro
visites.f. (vi-si-te)
Il lâ intun puest par motîfs culturâi, turistics e v.i.
esempi
"la visite [a Olimpie] al è ben scomençâle dal Museu"
da "Viaç aes origjins dal Logos" di Adrian Cescje
"la visite de glesie fo la plui biele part dal program"