Tu âs cirût la peraule
monolengâl
torne indaûr

monolengâl

vistî v.tr.
(vis-tî)
Cuvierzi cun vistîts
esemplis
"[il fi] al viôt di jê [malade], le vistìs e disvistìs co e jeve a buinoris o e va a pognisi intal jet la sere"
gjavât fûr di "Storie di Min" di Ivano Urli
Viôt ancje: viestî, viesti, vestî
vistî v.tr.
(vis-tî)
Meti intor o vê intor
esemplis
"o vevi a pene finît di vistî il pigjame, che o sintivi un gratâ te puarte come che al fâs un gjat par uçâ lis ongulis"
gjavât fûr di "I forescj" di Alan Brusini, Gian Paolo Linda
"a vistivin des bielis tutis neris cun dai dissens in rilêf"
gjavât fûr di "Sense" di Checo Tam
"ducj i zovins a vistirin chê monture che ju puartave tes trinceis"
gjavât fûr di "Cjase di Dalban" di Maria Forte
vistî v.tr.
(vis-tî)
Ornâ cdn. o alc cun paraments
sinonims
aparâ, furnî, ornâ
esemplis
"tu fasarâs il plasê di viodi tu, Spinut, di sunâ, di vistî il predi e di rispuindi messe"
gjavât fûr di "Lis predicjis dal muini" di Josef Marchet
"La setemane prin de tierce di Setembar, al jere un privileç di cjase mê, ma grant privileç, chel di vistî a sôs spesis la Madone"
gjavât fûr di "La Madone dai siet dolôrs" di Pieri Somede dai Marcs
vistî v.tr.
(vis-tî)
Cuvierzi cun alc (fig.)
sinonims
cuvierzi
esemplis
"l'Invier al veve vistût di fumate dute la planure"
gjavât fûr di "La liende dal riûl" di Franca Mainardis
"i Batistons a vistirin di vîts, di forments, di blavis, di vert e di vite dut il roncat salvadi e pustot"
gjavât fûr di "La aghe da pît la cleve" di Dino Virgili
vistî v.intr.
(vis-tî)
Puartâ intor vistîts di une cierte fate
sinonims
vistîsi
esemplis
"il fat al sucêt tun cjistiel o palaç des culinis de Furlanie, se pussibil lis personis [i atôrs] a vistissin in costum, dai timps passâts"
gjavât fûr di "Mame..." di Pieri Somede dai Marcs
vistî s.m.
(vis-tî)
Tal sing., i vistîts
sinonims
vistiari
esemplis
"materiis primis par fâ tiessût pal vistî e altris ûs"
gjavât fûr di "Liniis di storie sociâl e economiche dal Friûl 1500 – 1800" di Adrian Cescje
detulis
"mangjâ a mût so e vistî a gust gno"
"mangje a mût to e vistìs a mût dai altris"
"se e je ben vistude, ancje une colone a pâr une done"
"se e je ben vistude, ancje une colone a pâr une matrone"
"se si vistìs un jubâl al pâr un gardenâl"
"se si vistìs un pâl, al pâr un gardenâl"
"se si vistìs une colone, e pâr une done"
"se si vistìs une fassine, e pâr une regjine"
"se si vistìs une jone e pâr une done,"
"vistî a mût di chei altris, mangjâ a mût so"
"vistìs une fassine, e somee une regjine; vistìs un pâl, al somee un gardenâl"
torne sù