Hai cercato la parola
monolingue
Torna indietro

monolingue

voglade s.f.
(vo-gla-de)
Azion di cjalâ, di viodi, soredut a la svelte
sinonimi
cjalade, cjalon, cucade, cuc, olmade, calumade
esempi
"chê cjase e jere masse grande e vueide, e lis cjossis a vevin lôr vôs, e Laurinç si fermà a scoltâlis. Si fermà a butâ une voglade tal armâr dai siei libris di scuele"
da "I prâts des Savodagnis" di Agnul di Spere
"o doi une voglade aes fotografiis. Ma ... chê chi mi pâr di vêle bielzà viodude inalgò"
da "Dal miedi" di Lucio Perès
voglade s.f.
(vo-gla-de)
Maniere di cjalâ, espression e intenzion che si comunichin cul cjalâ
sinonimi
cjalade, cjaladure, cjalon, olmade
esempi
"al mi à dât une voglade che crodevi che al mi sfulminàs"
da "Gnot di Nadâl" di Pieri Somede dai Marcs
"e butà une voglade a so pari: une voglade come di sfide"
da "Il muc" di Roberto Ongaro
voglade s.f.
(vo-gla-de)
Maniere di viodi, di percepî, di analizâ, di interpretâ
sinonimi
cjalade, cjaladure
esempi
"ogni partecipant al à presentât la sô comunitât par mieç di un articul che al è stât cjalât no dome cuntune voglade stilistiche e gjornalistiche, ma soredut cu la voie di cognossi alc di plui su lis difarentis problematichis des minorancis europeanis"
da "La scomesse de informazion" di Giorgia Zamparo, Fabrizi Paschin
voglade s.f.
(vo-gla-de)
Il tignî controlât cdn. o alc par viodi che al sedi regolâr, coret, sigûr, a puest e v.i. e in câs intervignî
sinonimi
cjalade, cuc, voli
esempi
"il miedi, vignût a dâ une voglade ae puare viele, al veve lassât capî che ancje la femine dal muini di Vile Disot e jere pes ultimis"
da "Disore e disot" di Pieri Menis
Torna in Cima