Hai cercato la parola
monolingue
Torna indietro

monolingue

voltâsi v.pron.intr.
(vol-tâ-si)
Cambiâ di posizion o di direzion, soredut indreçantsi cu la muse o cui voi o cul cuarp di une cierte bande o di une altre bande
sinonimi
rivoltâsi, zirâsi
esempi
"mi cjalâ un moment, po si voltà a fevelâ cun sô gnece"
da "In viaç di domenie" di Agnul di Spere
"une veture gruesse e potente che la zoventût si voltavin a cjalâle"
da "Par stradis lungjis" di Alan Brusini
voltâsi v.pron.intr.
(vol-tâ-si)
Vê une evoluzion, un mudament, te forme o ancje te sostance
sinonimi
cambiâ, mudâ
esempi
"pronostics sul voltâsi des lunis"
da "Cjase di Dalban" di Maria Forte
"nol è che, dopo di in chê volte, la clime, par Catine, si voltàs di bon"
da "Trê feminis" di Gianni Gregoricchio
"dute une vite che si voltave, che e mudave"
da "La aghe da pît la cleve" di Dino Virgili
voltâsi v.pron.intr.
(vol-tâ-si)
Cambiâ di idee
esempi
"mi puedin ben copâ, / ma no fâmi voltâ / dal mio pinsîr"
da "II, 40" di Ermes di Colorêt
voltâsi v.pron.intr.
(vol-tâ-si)
[TS] (enol.) Dal vin, pierdi il so savôr, lâ di mâl
sinonimi
sviersâsi
proverbi
"cuant che si sta mâl di une bande, si voltisi di chê altre"
"cui che al sta ben che no si volti"
"se tu mangjis luvins e tu ti voltis indaûr tu viodarâs cualchidun a mangjâ lis scussis"
Torna in Cima