Tu âs cirût la peraule
monolengâl
torne indaûr

monolengâl

voltade s.f.
(vol-ta-de)
Il voltâ, il voltâsi, il meti, il metisi o il jessi metût intune altre posizion
sinonims
zîr, zirade, volton
esemplis
"dade une voltade al tornà a indurmidîsi"
gjavât fûr di "La mulinarie" di Catarine Percude
"veva diti a sô femina di fa voltâ il jet par vê la muart da pîts, ma chê voltada no veva 'sovât nuia e ancja lui veva dovût tornâ al Creatôr"
gjavât fûr di "Storia dai trê nerans" di Ranieri Mario Cossâr
voltade s.f.
(vol-ta-de)
Mudament di direzion o lûc li che alc, par esempli une strade o un flum, al mude di direzion
sinonims
volt, volte, svolt, svolte
esemplis
"su la voltade, subit dopo dal puintut di len, li che la stradute di Cleve e va fûr te Strade Disot, al comparì Zuanat incorint"
gjavât fûr di "La aghe da pît la cleve" di Dino Virgili
"e rive suntune voltade di strade e si scuint daûr une cise"
gjavât fûr di "Trê sûrs" di Andreina Nicoloso Ciceri
voltade s.f.
(vol-ta-de)
Mudament profont e radicâl (fig.)
sinonims
volton
esemplis
"o podìn vê la sensazion clare di cjatâsi a jessi suntune voltade decisive de civiltât"
gjavât fûr di "Su altris fondis" di Josef Marchet
"e veve spietât un biel pieç prime di fâlu savê [che si sarès maridade] a sô mari , scuasit par no fâ ancjemò vere e sigure chê voltade"
gjavât fûr di "Cjase di Dalban" di Maria Forte
torne sù