Tu âs cirût la peraule
monolengâl
torne indaûr

monolengâl

volum s.m.
(vo-lum)
[TS] (fis.) Part di spazi ocupade di un cuarp o di un fluit
esemplis
"lis primis tecnichis par “produsi il vueit” a vevin l'obietîf di impuarî l'aiar, ven a stâi di eliminâ dal volum l'ossigjen e la aghe"
gjavât fûr di "La invenzion dal vueit inte lampadine di Turo Malignani. Storie, gnovis ipotesis e atualitât" di Lorenzo Marcolini
volum s.m.
(vo-lum)
Cuantitât totâl di elements o fenomens (fig.)
sinonims
butade, côl, cuantitât, entitât, flote, grop, grum, masse, partide, sdrume
esemplis
"il cumierç internazionâl tra Slovenie e Italie al à un volum di sîs miliarts di euros, siet se si contin ancje i servizis e il turisim"
gjavât fûr di " Il president talian Mattarella in visite uficiâl in Slovenie: un incuintri li che si à fevelât tant di minorancis. I slovens a critichin la riforme locâl dal F-VJ" di Tjaša Gruden
volum s.m.
(vo-lum)
Intensitât di un sun, di une vôs
sinonims
ton
esemplis
"di tant in tant cualchi ridade o cualchi berli o il rumôr di machinis cu la radio a volum masse alt"
gjavât fûr di "Ah! la provincie" di Sandri Di Suald
volum s.m.
(vo-lum)
[TS] (arch.) Intun edifici, mût di disponi il rapuart jenfri plens e vueits
sinonims
masse
esemplis
"il so lengaç espressîf si adatave ai modei de architeture dal Piacentini, cun volums marcâts"
gjavât fûr di "Storie de art in Friûl" di Bepi Agostinis
volum s.m.
(vo-lum)
Ognidun dai singui tocs che a componin une sole grande publicazion
sinonims
disc
esemplis
"al le viers la sô racuelte di libris e al cjapà in man un volum de enciclopedie "Vita meravigliosa""
gjavât fûr di "Sense" di Checo Tam
volum s.m.
(vo-lum)
[TS] (inform.) Unitât fisiche di memorie di masse
torne sù