Hai cercato la parola
monolingue
Torna indietro

monolingue

vore s.f.
(vo-re)
Ativitât produtive o di servizi, in gjenar regolâr, paiade o che in ogni câs e da un profit economic
sinonimi
mistîr, ocupazion, profession, lavôr
esempi
"libris di storie no 'nd veve plui lets. Nol veve vût plui timp, la vore lu veve cjapât dut"
da "Un cidinôr todesc" di Agnul di Spere
"so pari al jere muart e lui al veve scugnût cjatâsi di vore par mantignî la mari e i doi fradis piçui"
da "Trê feminis" di Gianni Gregoricchio
Vedi anche: vôre, vuore, vuare
vore s.f.
(vo-re)
Materiâl che si à di lavorâ o che si è daûr a lavorâ
esempi
"chê pene sierade dentri le faseve dulinciose cu lis scovolinis che i furnivin la vore [la sede] tal fornel"
da "Sul cjar di Pauli Gurin" di Maria Forte
vore s.f.
(vo-re)
Risultât che al ven fûr de ativitât lavorative
sinonimi
opare, lavôr
esempi
"a garantissin la vore par chê dì e le finissin un mês plui tart"
da "Lis predicjis dal muini" di Josef Marchet
vore s.f.
(vo-re)
Cualsisei sorte di azion (estens.)
esempi
"al tirava dongja fruçons di pan ta li grispi da li barghessi, cul cjâf bas e al era cussì incjapât ta chê vora che a nal mi badava par nua"
da "L'uminin dai stecs" di Novella Cantarutti
vore s.f.
(vo-re)
Spec. tal pl., persone clamade a lavorâ la tiere, spec. in maniere stagjonâl o in moments che al covente cualchidun che al judi
esempi
"cumò sul cjar del fen tornin lis voris / cjacaruçant, e si sint il sivîl / del canaiot che al ingrume lis pioris"
da "Sere di Avost" di Enrico Fruch
"par lunis bisugne cjatâ almanco cuatri voris par taiâ il forment"
da "Il Nuovo Pirona" di Giulio Andrea Pirona, Ercole Carletti, Giovanni Battista Corgnali
proverbi
"amì de vore fate e nemì di chê disfate"
"cui che al scomence masse voris no 'nt finìs nissune"
"cui che al scomence une vore in dì di vinars no le finìs plui"
"cui che ben al scomence al è a metât de vore"
"fâ e disfâ e je dute vore"
"la vore fate ben nissun domande cetant timp che si à stât a fâle"
"lis voris si comandin bessolis"
"trê voris a son dibant: palâ nêf, bati coculis e copâ oms"
"tropis voris, pocje vore"
Torna in Cima