Tu âs cirût la peraule
monolengâl
torne indaûr

monolengâl

mistîr s.m.
(mis-tîr)
Ativitât, massime manuâl, imparade cu la pratiche e praticade par vuadagnâ
sinonims
art, profession, lavôr
esemplis
"al faseve il taxist, un mistîr che i plaseve parcè che al podeve stâ cu la int"
gjavât fûr di "Il cjâf dai furlans" di Franc Fari
"al faseve il barbîr cuant che nol veve lavôr di muredôr, che chel al jere il so mistîr vêr"
gjavât fûr di "Cjavei" di Meni Ucel
"o 'nd ai fats mil di mistîrs, ma cumò o soi disocupât"
gjavât fûr di "Prime di sere" di Carlo Sgorlon
Viôt ancje: mestîr, mistêr
mistîr s.m.
(mis-tîr)
Ativitât proprie e naturâl di cdn. o di alc
sinonims
art, lavôr, dovê, compit, assum, funzion
esemplis
"cuant che i vistîts a rivin a fâ il lôr mistîr cuntun pôc di estri, di gracie e di elegance, alore la mode e je biele"
gjavât fûr di "I furlans e la mode" di Riedo Pup
"i gjornâi, par altri no àn nissune colpe di ce che al sucêt. Il lôr mistîr al è nome chel di regjistrâ e di contâ i fats"
gjavât fûr di "Il partît dai zovins coscrits" di Riedo Pup
"[il Soreli] l'atint al so mistîr / e simpri vulintîr"
gjavât fûr di "Pronostic del 1835" di Pieri Çorut
mistîr s.m.
(mis-tîr)
Abilitât, capacitât, te profession o ancje in cualsisei robe che si fâs
sinonims
man, esperience, tecniche
esemplis
"[il fari] al sfladassave dute la sante setemane batint sore dal mai il fier ruvielât e gjavant fûr cun mistîr ogni sorte di imprest"
gjavât fûr di "Lis aganis" di Josef Cjargnel
"tocs di rock melodic e potent, cjantâts e sunâts cun snait e cun mistîr"
gjavât fûr di "Gweltaz Adeux, rock breton melodic e potent" di Marc Stolf
"[par fâ la punture] la gusele infin e lave gjavade di colp e la part sfreolade par ben. Si pues ben capî, duncje, che i voleve mistîr "
gjavât fûr di "La punture" di Paolo Monte
mistîr s.m.
(mis-tîr)
Il dâ servizis sessuâi par bêçs (eufem.)
sinonims
prostituzion
esemplis
"al leve inalgò cun siorutis che a fasevin il mistîr e i suiavin il tacuin e la medole dai vues"
gjavât fûr di "Come tai romançs" di Alan Brusini
detulis
"al è un brut mistîr chel di fâ ridi"
"al vûl mistîr a fâ cuincîr"
"al vûl mistîr in dut e lassâur cjapâ lis surîs ai gjats"
"cent mistîrs e mil miseriis"
"cent mistîrs, nissun di bon"
"cui che al fâs il to mistîr no ti è mai amì"
"cui che nol à mistîr e al va a spas, si invie al ospedâl a grancj pas"
"cul art e cul ingjan si campe mieç an, cul art e cul mistîr si campe l'an intîr"
"ducj a fevelin ben dal lôr mistîr"
"dut si mangje ma no il mistîr"
"fâ il mistîr dal Michelaç: mangjâ, bevi e lâ a spas"
"fûr sanc, dentri mistîr"
"il masse e il masse pôc a disjustin ogni mistîr"
"il masse e il masse pôc a dissipin ogni mistîr"
"il mistîr dal matrimoni plui si lu fâs e plui si lu dispare"
"il mistîr nol domande pan"
"lis oris de matine a son la mari dai mistîrs, lis oris da la sere a son la mari dai pinsîrs"
"ognidun che al fasi il so mistîr"
"trist al è chel mistîr che nol manten il mestri"
"trops mistîrs, nissun di bon"
torne sù