SuperDizionari

zei s.m.

Recipient, pal solit di vencs, di forme plui o mancul semisferiche e pal solit cuntunun mani semicircolâr parsore

sinonimi

cagnestri, ceste, cos, zee, sbrinzie

esempi

"sul manuvri de biciclete e jere cjariade cun doi zeis plens di verdure"

da "Jo e Graziella" di Mario Beltramini

"si faseve, la sabide dopo misdì, la spongje e, dopo di vêle striçade dal pignot, le mandavin jù pal poç tal zei dal lidric par che si indurìs vie pe gnot"

da "Il cuader de none" di Pieri Menis

"Rita e corè fûr cul zei de robe sul braç, clamant a vôs alte Ricardo, biel che la buere e sglonfave e e faseve svoletâ i linzûi come velis di nâf"

da "Prime di sere" di Carlo Sgorlon

zei s.m.

Contignidôr, pal solit di bachetis e di vencs, par puartâ cjamis su la schene (set.)

sinonimi

cosse

esempi

"e po fadias osteadas fintant che al ven not / sot il buinç, sot il zei, sot la vacja, simpi sot"

da "Taresia di Val Vezil" di Giorgio Ferigo

zei s.m.

Cuantitât di contignût che al sta in chei recipients

esempi

"Lise e jere lade sot da la arie a cjoli un zei di lens par fâ fûc"

da "Il muc" di Roberto Ongaro

"un blec di tiere che e prodûs sì e no un zei di pomodoros o fasûi"

da "La veretât e va ben simpri dite" di Pieri Somede dai Marcs

zei s.m.

Cuantitât indefinide ma bondante di cualsisei robe, sedi concrete che astrate, ancje di personis (fig.)

esempi

"al podarès vê il çurviel par ledrous e vêvi contât un zei di balis"

da "Donald dal Tiliment" di Stiefin Morat

"nol jere râr il câs che al menàs vie, dut braurôs, un zei di fantatis che a lavoravin tal ricovero"

da "Pre Pitin" di Antoni Beline

zei s.m.

Grup, categorie (fig.)

sinonimi

sac, numar, trop, grum

esempi

"a metevin furlans e altris minorancis tal zei des minorancis linguistichis par dâur une tutele minôr e diferenziade [rispiet aes "minorancis nazionâls"]"

da "Memoriis di politiche linguistiche" di Adrian Cescje

zei s.m.

[TS] (sport) Inte bale tal zei, cercli di metal fissât tun tabelon e che al à une rêt cence font là che bisugne butâ la bale par segnâ i ponts

sinonimi

cos

zei s.m.

[TS] (pescj.) Imprest par cjapâ i pes, fat di vencs o di viminis, in forme di contignidôr viert di une bande, ma a plere strente viers il didentri, di maniere che une volte che il pes al jentre nol rive a vignî fûr

sinonimi

nasse, cosse, caniç, covôl, cudice, nassin, nassit, ragn, nasson

esempi

"vie di corse tal cjanêt a crots cu la fossigne, o a tencje cul zei, ta la aghe fin tes lesinis"

da "La aghe da pît la cleve" di Dino Virgili

zei s.m.

Part dal cuarp che si poie cuant che si sentisi (scherç.)

sinonimi

cûl

monolingue