Cognon sart presint a San Denêl. Par Pittau 1990, al podarès jessi une variante dai cognons Gardu e Cardu e duncje significâ “cardi", o pûr al podarès corispuindi al non di doi paîs medievâi Ardu, un dongje Iglesias e un dongje Sassari, par indicâ, in antîc, la nassite di une persone intune di chês localitâts. In subordin al podarès corispuindi al cognon Sardu (ven a stâi l’etnic “sart"), là che la S- iniziâl e sarès colade parcè che interpretade malementri come chê dal articul determinatîf de lenghe sarde.

Dal non di persone di çocje gjermaniche Arduino. Dutis dôs lis formis a son raris in Friûl; la prime a Romans dal Lusinç, Tresesin, Cordenons e Nimis, la seconde a Udin e Glemone.