Al è probabil che si trati di un diminutîf dal non antîc di persone Az (par talian “Azzo”). Chest non, di divignince gjermaniche, al è documentât za intal secul VI a Parenzo, in Istrie, intune iscrizion di une necropoli barbariche. In Friûl al è documentât almancul dal 1191 stant che al comparìs intune pergamene di Cividât che e à cheste date. Si cjate in Lombardie, Toscane e te provincie di Verone. Presint a Udin. Tal 1801 Matia Azin fitt. di Adorian (ASU Della Torre/B 29.1).