Forsit diminutîf di Barèl (viodi). Presint a Aquilee: 1624 Li Heredi del q. M.° Zuane Barelino (o Baretino) di Aquilegia, fittuale nobb. Savorgnan (ASU Di Toppo 110).

Forsit forme contrate di Baronèl, diminutîf dal non di persone Baron(e) doprât te Ete di Mieç. O pûr di Baro, forme laterâl di Barone (viodi ancje sot Barusso). Di no escludi un sorenon che al ven di  barel, o ben cjaruç. Tal 1202 Gotfredo detto Barello in Curia de Frata. Tal 1272 Zanino Barel libraro veneto abitant a Glemone (Biasutti). Cognon tant difondût a Vittorio Veneto; presint a Pordenon e, par  Castellarin 1990, ancje a Bibion, Cisarûl, Tisane, Lignan, Perteade, San Michêl dal Tiliment. Intal Schedari Biasutti o cjatìn che dal Cinccent a son tancj i Barèl / Barelli / Barello a San Denêl (1534 Battista vulgo Barello q. Lor. q. Leon. Zanini di Sotto Agar S. Denêl; 1562 m.° Battista detto Barel de S. Daniele).