Salacor dal paîs di Baracêt (talian Barazzetto, in comun di Cosean). Al vûl dî “gredei di baraçs"; nol è di escludi, duncje, che ae fonde di chest cognon al puedi jessi ancje un microtoponim (par esempli, tal 1455 a Grac di Rigulât in loco dicto Barazeit de supra via, juxta viam per quam itur in Gorto; tal 1462 a Buie uno prato sito in pertinentijis de Buya in loco vocato Baraçeto che cuasi dal sigûr al è il Baracêt di vuê, une localitât tra Batafier di Tombe e Andreuce).
Cognon presint massime a Codroip e, po dopo, a Udin, Murùs e Pordenon. Intal Schedari Biasutti o cjatìn che i Baracetti a son cetancj a Rivolt dal Cuatricent.
fonts
1498, ai 6 di Zenâr Baracetti Giacomo e f.lli da Rivolto rissa coi Bertuzzi di Lonca mentre prendevano l’acqua santa nel cimitero di Rivolto (ANU 245); 1514 divisione tra Leonardo e Nicolò f.lli q. Dom. Barazeti di Rivolto (ANU 247); 1626 i Baraceti presints a Sil di Cjasarse (Luchini, 1995); 1704 Isidoro Ceccati contro Pietro Baracetto, Dom.co Tiburzio e Antonio Bianco di Rivolto (ASU Someda 15); 1816 Francesco Biano di Gio. Batta nato a Plaino nel 1791, agricoltore, sposa Lucia Baracetta figlia di Giacomo Baraceto nata a Zampis nel 1791, contadina (A.P. Pagnà); 1733 Giuseppe q. Valentino Barazzetto notaio da Rivolto (ASU); 1772 Sig. Leonardo Baraccetti procuratore e agente dei coo. Antonini (ACR 721/1); 1976 Arnaldo Baracetti, nassût a Rivolt tal 1931, al è deputât de Republiche.