Cognon di origjin istriane presint a Monfalcon (plui slargjât a Triest). Variante dal non Balbo (Bonifacio 2004, 45-46).

Cognon carateristic di Culine di For di Avoltri, studiât di Enrico Agostinis 2001, che al scrîf che "a vuê al è cetant presint a Culine e al è il prin non che si cjate inte anagrafe (Antonio di Leonardo, n. 1594), e ancje chel plui frecuent. Al è un endemisim, cun dute probabilitât autocton: suntun totâl di 16 presincis in Italie, 5 a son a Culine e chês altris 11 a son dutis di emigrâts o che a divegnin di emigrâts. La esistence sul puest di plui nuclis familiârs sul finî dal secul XVI e fâs pensâ a une presince za chê volte consolidade intal timp e databile a almancul trê gjenerazions indaûr; par chel la famee Barbolan e pues jessi calcolade, come altris sîs o siet, fra lis “fondadoris" (o almancul primordiâls) di Culine. La origjin dal non e je incierte. L'antîc, di ispirazion latine, Barbula / Barbule (par Barbulae?) de anagrafe dal Sîscent al fasarès pensâ - plui che ae lidrîs "barbe" tal significât di parint, che tal latin di tornade al varès tal câs gjenerât un Barbulus masculin, par altri mai rilevât - a un diminutîf cjarinatîf dal feminin latin “barbe", duncje barbula “barbete"; di li Barbulanus, che si è evolût intal za frecuent Barbolano, e duncje intal definitîf Barbolan. Al è curiôs notâ, par altri, cemût che la forme venite furlane Barbolan e sedi ae fin prevalude (e je la uniche forme moderne stabile) su la version volgâr / taliane Barbolano, contemporanie di cheste se no fintremai anteriôr".

Salacor di Bàrbure “Barbara" cuntun sufìs diminutîf. Cheste ipotesi e je provade pai Barburino di Cortâl (comun di Reane) graciis aes atestazions cjatadis tal Schedari Biasutti: 1541 m.° Nicolò e m.° Canciano q. Giovanni della Barbora da Cortale; 1638 m.° Zuane q. Leonardo di Canciano della Barbora da Cortale; 1675 don Leonardo Barburino di m.° Gio. e Anna da Cortale; 1716 Gio. Batta Barborino de Barbura di m.° Canciano q. Gio. Batta q. Giovanni da Cortale. Nel 1327 Barnusino fabbro q. Giac. Barborino da Buja – teste in Gemona (Biasutti). Presint a Torse di Pucinie come Barborini (atestât tal 1899) e a Reane  in dutis dôs lis formis.

Di un sorenon che al vûl dî "tartaiot". No escludìn un incressitîf di barbe. Avonde slargjât a Davian, presint a Udin.

Derivât de forme regjonâl venite Barbón, un sorenon che in dute la cueste dal alt Adriatic i ven dât a un gjenar di trie (Mullus barbatus), par vie des barbis o barbois. Il cognon Barboni, in plui che tal Venit, si lu cjate in altris areis talianis, ma in chest câs al à tant che fonde un sorenon (Barbóne) riferît a un om cu la barbe lungje e fisse. Barboni si lu cjate a Cisarûl, Tisane, San Michêl dal Tiliment. La variante Barbón e je presinte a Cjistiel di Brusse, Puart, Sumaghe (Castellarin, 1989). Fûr de aree indagade di Castellarin o cjatìn Barbón a Pordenon e Barboni a Tavagnà. Tal 1586 Antonio Barbon de Fagagna fitt. nobb. Colloredo (ASU Colloredo-Mels I part 13.112). A Buie i toponims Barbón, Li di Barbón e Barbóns: si spieghin cul sorenon di famee Barbón che si lu cjate tra i De Monte, i Ursella, i Ghiraldo e i Cragnolini. “Chei di Barbon" is a family name in Buja. It means something like “long bearded". Where does it come from? According to the legend, Laurinç’s beard became all white because of a terrible fright. One day his friend Tony became taller and taller, so as to reach the first floor of Laurinç’s house. What do you think would happen to your beard and hair in such a case?! (di Lejendis atôr par Buje, Scuele elementâr di Avile di Buie, 1998).

Di une variante dal non di femine Barbara. Presint massime a Mortean e, tant che Dibàrbora, a Romans dal Lusinç.