Come Barusso (viodi), ma cun sufìs -ùz (simpri diminutîf). Tal 1334 Vignaduzza di Giacomo Barucio di Udin; tal 1644 Baruzzi Sig. Fabrizio aromatario di Udin (Biasutti). Presint a San Michêl dal Tiliment e, secont Castellarin 1990 a Alvisopoli, Cjaurlis, Cjarlins, Concuardie, Fossalte, Frate, Lignan, Muçane, Puart, Sumaghe. Documentât a San Lurinç di Sedean (tal 1486 Baruzo Leonardo q. Antonio; tal 1502 Andrea q. Giac. Barruzij o Baruci; tai prins agns dal Sîscent Anna Baruzzo) dulà che al somee che al sedi deventât Baruzzini (viodi). Tal catapan di San Lurinç (SL) o cjatìn: Culau fiol de Lenart Baruz, qm. Jacobi Barutii, Antonium qm. Nicolai Barutii, Sebastianus qm. Leonardi Barutii de S. Laurentio Sedeliani, 1532 Valentinus qm. Leonardi Barutii de Sancto Laurentio Sedeliani; tal 1549 un toponim cul solit dileme (il cognon vegnial dal toponim o il toponim isal origjinât dal cognon?) in villa de S. Laurentii in loco dicto in Baruz. Il toponim al è diminutîf di "bar", toc di tiere cun jerbe che si stache dal nembri.