Cognon di divignince slovene nassût cu la formante -ec (lei -ez) dal toponim Breginj (par furlan, Bergogne). In principi, duncje, si riferive al abitant o ae persone che e vignive di chest paîs, no lontan di Cjaurêt.
Tal 1387 al è za documentât a Gurize cun Heinricus quondam Jacobi Bergignecz de sub turri ville Goricie.
Tal 1600 al jere presint ancje a Picon e Clastre (San Lenart) e a Ponteà (San Pieri dai Sclavons) (Zuanella, Dom, 20, 1990).
Par Merkù 1994 chest cognon al è difondût intes formis Berginc e Brginc inte fasse setentrionâl dal domini linguistic sloven, intes formis Berghinz e Berginc a Triest, inte sole forme Berghinz a Udin e tai contors.
fonts
1595 Thomaso Gaspar de Trevisa de Sotto debitore alla Comunità di Tarvisio per il possesso di una Riva Sotto il Briesnek et Uno Campeto del Berginz devivato (ACAU N. Mss. 737.16); 1777, ai 22 di Avrîl Antonio di Antonio Berghinz da Iderska sotto la parr. di Caporetto abit. a Udine da 10 anni sposa Anna q. Giacomo Paroni di Udine (Filze); 1789, ai 2 di Setembar Giuseppe Berghinz del Sig. Cristoforo a. 21 nato e vissuto sempre a Udine fa provare sua libertà (Filze); 1905 Guido Berghinz, nassût a Udin tal 1872, miedi, al è diretôr dal ospedâl gnûf di Udin (Nazzi, 1992).