SuperDizionari

Boreaniz

Tant che Boreanaz (viodi). Cognon carateristic di Stele (Tarcint).

fonts

1685 Nicolò q. Pietro Boreaniz di Stella, teste in Tarcento (ASU CRS 516); 1688 Mattia Boreaniz in Stella, in Fraterna B.V. dei Battuti di Tarcento (ASU CRS 514/3); 1706 Biasio di Dom.co q. Pietro Boreaniz da Stella (ACR 516/2); 1752, ai 21 di Avost Boreaniz don Stefano da Masarolis il padre Giorgio e lo zio Bertolo gli fanno patrim. eccl. (Patrimonium); 1787 capp. di Monteaperta (Filze).

Boreàn

Al è probabil che al derivi di Boreàna, localitât documentade dal 1330, tal comun di San Vît dal Tiliment, fra chest e San Zuan (Cjasarse). Cognon tipic di Cjasteons (Çopule) e ben rapresentât tal comun di Vildiflum, massime tes frazions di Banie e Pissincjane; di chi a rivin i Boreàn di Cjasarse (Luchini, 1995). Presint ancje a San Vît dal Tiliment e a Pordenon.

fonts

1653 M.° Giacomo Boreano fittuale in Cervaia di Maso sentato Loco et foco dei nobb. Colloredo (ASU Col.-Mels III part 23); 1725 Battista Borean, gastaldo della Confr. di S. Valentino di Villotta di Chions (ASU CRS 843); 1738 Gio. Batta q. Osualdo Boreano, fittuale della Chiesa di S. Gio. Battista di S. Gio. di Casarsa (ASU CRS 444); 1759 Osualdo Borean in Vicinia Villotta di Sbrojavaca (ASU Bertoli 31.2); 1766 Gio. Maria Borean, cameraro Scuola di S. Marco e Ilario di Castions di Porzia (ASU CRS 42); 1787 Dom.co Borean fittuale Chiesa S. Andrea di Castions di Porzia (ASU Gortani I part doc. 6.88); 1832 presints a Cjasarse i fradis Antonio e Angelo di Domenico Borean, rivâts di Pissincjane (Luchini, 1995); 1848 Campagna del Veneto 1848-49: Giacomo Borean, volontario della città di Pordenone accorso in difesa della Patria, Milite. Morirà sul campo di battaglia (Candiani, 1902).

Boreánaz

Chest cognon al derive de localitât Borjána (Boreane) cul sufìs dialetâl -ac (par sloven standard al sarès -ec), scrit -az te grafie taliane. In principi si riferive duncje al abitant o ae persone che e vignive di chel paîs, logât in chel che si clame Breginjski Kot, no lontan di Cjaurêt. Al è presint in dute la aree di confin dal cividin (Torean, Cividât, Pulfar, San Lenart, Prepot) e, cui cognons Berghignan e Berghinz, al testemonee une imigrazion antighe te Sclavanie de zone di Cjaurêt e, in particolâr, dal Breginjski Kot (Zuanella, Dom, 20, 1990).