SuperDizionari

Bot

Al è probabil che al vegni dal non di persone antîc Bot. Tal 1327 un Botta filio domini Bruni Rogerii de Salto (Moro, 1991). Tal Schedari Corgnali: 1318 Bortoluttus dictus Bot nodâr di Udin; 1344 Leonardus cerdo q. Boti fabri de Utino; 1388 Pertoldum dictum Both a Atimis; 1488 Petrus q. Nicolai Both de Castellerio; 1528 campum Ioannis Bot de Sancto Paulo; 1579 Ser Nicolaus Both a Spilimberc. Chest cognon si lu cjate a Cordovât, Siest, Morsan da lis Ocjis, Pordenon, Pravisdomini, Daçan, Cordenons, Danon.

fonts

1502 Giovanni Boto f.° di Antonia ved. q. Gio. di Biasio di S. Paolo (ANU 247); 1512, ai 27 di Lui Bartolomeo detto Boto q. m.° Giorgio Pischiutta di Albazzana deve duc. 5 a m.° Dom. q. Leon. Bertrandi di S. Daniele (ANU 3899); 1527 Michele d.° Nero q. Boto di S. Martino Codroipo (ANU 247); 1528, ai 5 di Mai Salvatore e Antonio f.lli q. Ianis de Boto di S. Martino Codroipo vendono livello meza St. per carestia (ANU 247); 1529 Benedetto d.° Boto q. Driusso Marini di Belgrado (ANU 247); 1583 Joannes q. Leonardi Botti de Vuircho (ASU CRS 844 bis). 1824 Pietro di Bartolomeo q. Zuanne Bot di Savorgnano (di S. Vît) sposa Elisabetta Ottogalli di Antonio (Savorgnan, 2002).

Botta

Dal venit bota “caratel", o feminin di Bot (viodi). Presint a Monfalcon.

Bottacìn

Cognon venit che al ven di un diminutîf di botàz “caratel piçul". Te zone che o vin studiât al è a Spilimberc, Pordenon, Daçan, San Michêl, Aquilee, Martignà.

fonts

1321 Pidrusius dictus Botacinus de Civitate; 1383 çuan de Botacin de Porcie; 1471 Francisco q. Iohannis Botacij de Clauglano.

Bottai

Al è clâr che al è il non di un mistîr. Tal 1350 Dominici Botay de Glemona (Corgnali). Al è presint a Gurize.

Bottecchia

Par Violi 1996 al è il riflès dal latin butticula “caratel piçul" e, in origjin, al à di jessi stât il sorenon dât a une persone cracule. Al è un cognon di Sacîl (culì a 'nd jerin tancj tal Sietcent e tal Votcent); al è presint ancje te provincie confinante di Trevîs e a Vignesie; al è a Pordenon e a Fontanefrede.

fonts

1800 i Bottecchia presints a Frate di Cjanive, di Cjavolan (Luchini, 1997); 1816 muore a Sacile Gio. Batta Bottecchia di Gio. di anni 66, villico (A.P. Sacîl); 1818 Maria Colomberotto di Giuseppe villica di Cavolano, sposa Santo di Giovanni Bottecchia da Cavolano domic. a Sacile (A.P. Sacîl); 1826 Lorenzo Modul di Battista nato in Vigonovo nel 1791, vedovo domic. in Sacile, sposa Catterina Bottecchia di Domenico di Sacile, villica, domic. alla Fantanna di Sacile (A.P. Sacîl); 1917 “il fantat dal ’99” Luigi Bottecchia di Cordenons, al scombat te prime vuere mondiâl (Ongaro-Piccolo, 2005); 1927 al mûr a Glemone Ottavio Bottecchia, vincidôr di doi zîrs di France, tal 1924 e tal 1925. Al jere nassût a San Martino di Colle Umberto tal 1894 (Nazzi, 1992).

Bottega

Cognon venit di Conean che, al è clâr, al ven dal non di un mistîr. Al è presint a Cordenons: 1484 Bartholomeus Botega pecudarius de Cordenono (Corgnali). Tal 1805 Antonio Bottega fitt. in Passariano (ASU Della Torre/B 29.1).

Botterini

Al è a Gurize. Salacor al è un diminutîf di Bottèr (viodi).

Botteón

Cognon venit, tipic de zone a man çampe de Plâf, une vore presint a Conean e a Cenede. La origjin e je te peraule bótte che e varà volût dî di cualchidun che al faseve caratei. Al è presint a Osôf e a Cjanive (Sacîl).

fonts

1687, ai 17 di Fevrâr don Domenico Botteon q. Sig. Antonio da S. Cassan Mesco nato nel 1665 – il f.llo Zuanne gli fa patrim. eccl. (Patrimonis); 1816 Pietro Martinuz di Dom. nato in Fratta di Sacile nel 1750, vedovo, domic. in Sacile, sposa Cattarina Botteon di Pietro, tiralana di Sacile (A.P. Sacîl); 1824 Giuseppe Cordazzo detto Martin di Valentino da Dardago, sposa Anna Maria Botteon di Antonio da Cavolano (A.P. Sacîl); 1900 Botteon a Frate di Cjanive (Luchini, 1997).

Botti

Al è un cognon presint a Udin e a San Zuan di Cjasarse (al è plui difondût a Bressie e a Ferrara). Al podarès vignî di bótte e duncje jessi il non di un mistîr; o pûr al podarès vignî dal antîc non di persone Botto (viodi Botto).

fonts

1340 Leonardo olim Botti fabri de Utino (Corgnali); 1589 Bap. ta Filio Botti de Vircho, teste in Bertiolo (ASU CRS 30); 1590 presint a San Zuan di Cjasarse Giuseppe Botti, om di Valentina Francescutto (Luchini, 1995); 1664 Giulio Bot fittuale in S. Zuan di Casarsa del Nob. Cesare di Valvasone (ASU CRS 839/2); tal Sîscent a son presints a Cjistilîr di Pagnà, ma al è clar che a sedin i Botto di vuê; 1816 Bernardino Bernardino di Michele nato a Branco nel 1792, agricoltore, sposa Marianna Botti di Paolo da Castellerio agricoltore in Rizzolo (A.P. Riçûl).

Botto

Al è probabil che al vegni dal non di persone che si doprave une volte Botto. Tal 1327 un Botta filio domini Bruni Rogerii de Salto (Moro, 1991). Tal 1512 il mestri muredôr Boto al veve lavorât pai mûrs perimetrâi de glesie di Sante Marie des Graciis di Udin (Bonoris, 1978); tal Archivi Roia al è un Sebastiano Botho (duncje, un cognon) parocho S. Georgii de Claut. No escludìn che chest cognon si puedi identificâ cul gjermanic Boto, variante di Bodo, forme scurtade di Bodomir e Bodowin; la prime part, o sedi Bodo-, e varès di volê dî “messazîr, mes". Cussì no podìn scartâ la ipotesi che e sedi une forme aferetiche: il non Sibotho al è tal Necrologium monasterii Rosacensis scrit tal 1250 e Marabotum al è un non documentât a Glemone tal 1405. Par Violi 1996, il non medievâl di persone Bottus al podarès jessi deventât un cognon documentât te zone di Modena dal 1139, origjinât dal latin medi buttis, caratel, sorenon par dî di une persone cracule e gruesse. Tal Archivi Biasutti a son un pâr di atestazions che a podaressin fâ pensâ a un ipocoristic dal non "Bartolomeo": 1479 m.° Bartolomeo carpentiere di Chiavriis detto Boto, 1538 Bartolomeo detto Botto q. Nic. Aita di Basegliuta. Tal Schedari Corgnali e je ancje une altre atestazion che e conferme cheste ipotesi: 1327 Bertholotto dicto Botto notaio de Utino. Cognon tipic di Cjistilîr (Pagnà): tal Schedari Biasutti o viodìn che al è difondût a Cjistilîr tal Cuatricent, par esempli tal 1480 Nicolò q. Giovanni Both (ancje Bot, Botho, Botto) da Castellerio assume livello verso la chiesa di S. Giorgio di Pagnacco; al è ancje a Udin, Tavagnà e Tresesin.

fonts

1321 Botto nodâr di Udin (Corgnali); 1479, ai 14 di Avrîl m.° Bartolomeo carpentiere di Chiavriis detto Boto (Osp. Debitori 201). Biasutti: scurtadure dal non? 1488, ai 30 di Jugn muore a 30 a. Pietro q. Nicolò Bot di Castellerio; 1494, ai 8 di Otubar m.° Botto da Chiavriis carpentiere – furto subito in Trivignano (Mandatorum); 1480, ai 16 di Dicembar Nicolò q. Gio. Both (ancje Bot, Botho, Botto) da Castellerio assume livello verso chiesa S. Giorgio di Pagnacco (AB); 1487, ai 12 di Novembar Pietro Bot q. Nic. da Castellerio cameraro della chiesa S. Giorgio di Pagnacco (ANU 3885); 1522 Ioannem Danielum q. m.° Botho de Caprileis habit. Latisana (Corgnali); 1533 Philippo de Butus de Plantada, fitt. Coo. della Torre (ASU Della Torre 38.3); 1538, ai 15 di Lui Bartolomeo detto Botto q. Nic. Aita di Basegliuta (ANU 3907); 1543, ai 9 di Avrîl m.° Bartolomeo detto Botto q. m.° Simone Zotto di Fagagna (ANU 3902); 1546 Leon., Gio., Ant. e Giac. f.lli Botto coabitanti di Mussons (ANU 248); 1560, ai 20 di Març lo stesso Dom.co vende al monastero il Campo della Glessa (ACR 609/1); 1563, ai 11 di Zenâr Dom.co Bot q. Angelo da Castellerio per duc. 10 vende a monast. S. Chiara Udine un campo in Valladis di Castellerio; 1568 m.° Botto murador di Udine S. Lazaro (Rodui Rosacis); 1573 Piero Both de Castelliero fittuale Coo. Ottelio (ASU Romano 5); 1574 M.° Bertolo Botto di Fontanabuona, cameraro Chiesa di S. Giorgio di Pagnacco (ASU CRS 309/2); 1626, ai 17 di Dicembardon Daniele Botto da Castellerio – lo zio Pietro gli fa patrim. eccles. (Patrimonis); 1631 eletto vic. S. Margherita, approvato cura anime ivi (Extraordinariorum); 1627, ai 18 di Jugn don Sebastiano Botto da S. Vito di Fagagna rinunzia alla curazia di Claut perché ha ottenuto altro beneficio in S. Vito di Fagagna (Filze); 1646, ai 26 di Març don Pietro Botti da Castellerio – patente confessore in Pagnacco (Registrum Confessarium); 1657, ai 23 di Dicembar m.° Francesco Cassutto da Pagnacco fabbro e rodaro compera terra da Sebast. e f.lli q. Angelo Botto da Castellerio (ACR 309/1); 1685, ai 12 di Setembar don Urbano Botto q. Urbano ed Elena da Castellerio nato nel 1666 – il cognato Ser Gio. Batta e Giovanni Zampa di Zampis gli fa patrim. eccl. (Patrimonis), tal 1692, ai 26 di Lui in vertenza col f.llo Pietro per un orto seminato a canevo (canapa) – (Civilium); 1726 don Nicolò, Valent. e Giovanni f.lli f. di Dom.co detto della Benedetta q. Nicolò Botto da Castellerio – prendono livello duc. 200 da monast. S. Domenico di Udine (ACR 636/2); 1749, ai 7 di Avrîl Giacomo Botto di Udine – accusato di bestemmie (ACAU – Inc. pr. 969); 1750 don Urbanus Boti de Pagnaco al è predi (ACAU); 1755 Urbano e Pier Antonio q. Gio. Batta Botto detti Urbani da Castellerio (ACR 639/1); 1769, ai 5 di Mai don Alessandro Botti da Palmanova – lo zio Lucio di Gio. Batta speziale a Sala, Valle S. Martino, Bergamo, a nome di suo f.llo Alessandro abit. a Palmanova gli fa patrim. eccl. (Patrimonis); 1815 Antonio Salvador di Carlo nato nel 1789 a Paseano de Prado, contadino, sposa Maria Botta di Giacomo Botto nata a Castellerio nel 1796 (A.P. Pagnà).

Bottolo

Forsit al ven dal non antîc di persone Botto (viodi Botto). O pûr de peraule venite bòtolo che al vûl dî il scarondul dal sorc, duncje, i sorenons a puedin vignî di chi. Bòtolo, in venit, al è ancje il non di un pes, forsit plui cognossût come cievolo. Al è a Udin.

Bottoni

Di un incressitîf di bótte, par dî di cualchidun che al vendeve o che al faseve caratei; o di bottóne, par indicâ cui che al faseve o al vendeve botons. Nol è di escludi un incressitîf dal non antîc di persone Botto. Al è presint a Osôf (al ven de Toscane).

fonts

1325 Franciscus q. Botoni de Glemona (Corgnali); 1664 Ser Francesco Boton (o Botono) gastaldo Luminaria di Santa Maria di Brischis di Meduna (ASU CRS 31).

Bottosso

Come Bottòs (viodi). Al è a Pordenon, Puart, San Stin, Cordenons.

fonts

1695 Ser Giacomo Botosso, cameraro Fraterna di S. Rocco di Brischis di Meduna (ASU CRS 31); 1771 Valentin Bottosso (ancje Bottozzo), cameraro Fraterna B.V. della Centura di Dannon (ASU CRS 6).

Bottossèt

Come Bottòs (viodi), cu la zonte dal sufìs diminutîf. Al è a Daçan.

Bottura

Forsit e je la forme contrate dal non di persone Bonaventura. Cognon che si cjate in Lombardie, Venit, Trentin; al è a Pordenon.

Bottussi

Al è probabil che al vegni dal non antîc di persone Botto (viodi Botto), cu la zonte dal sufìs diminutîf. Cognon tipic di Cividât.

fonts

1344 Botus de Faganea; 1787 Antonio Bottussi e F.lli q. Michele di Gramogliano, fittuali nobb. Zucco (ASU Zucco 5); 1817 Nadalja Bottussa di Giacomo Bottusso nata in Ipplis nel 1796, sposa Valentino Paolino di Giuseppe d’Orsaria (A.P. Iplis).

Bottàn

Forsit al ven dal non di persone che si doprave une volte Bot(to). N. Petris al ricuarde ancje bottana “tele bombasine". Al è presint a Puart, Cint, Pordenon (ancje a Vignesie e in cualchi localitât de provincie di Trevîs).

fonts

1543 Jacomo detto Moro et Bortolomio detto Bottan F.lli e figlioli del q. Falcomer del Barbier da Chions, cedono ai nobb. Panigai Terra posto in loco detto La del Maian (ASU Panigai 215); 1546 Ser Bernardino Bottana di Portogruaro teste in Udine al testam. del notaio Serafino Bugatti (ACR 746/1); 1551 Ser Francesco f. di Ser Bernardino Bottana di Portogruaro abit. Udine Mercav. (ACR 720/2); 1558 Bartol.° Botan a Cjons (Corgnali); 1566, il prin di Lui don Livio Bottana q. Bernardino suddiacono – per andar in vesti secolari, gioco ad pila ventalia, percosse – bandito per 3 anni dalla diocesi e se preso 3 mesi carcere a pane ed acqua – Incorreggibile (Sentencis), tal 1569, il prin di Mai il Maracco lo condanna al carcere in casa per tutto il mese di maggio perché andava per la città in abito e beretto laicale e anche con ferraiolo e galero (Extraordinar.); 1585 Giovanni Bottana q. Bernardo notaio di Udine (ASU); 1617, ai 20 di Jugn Ioannes Bottana cancellarius magnificae communitatis Utini (Masutti, 1991); 1733 Sig.ra Giulia Bottan di Sesto, fittuale (ASU CRS 395 S. Franc.); 1747 m.° Luca q. Dom.co Botan di Corva, teste in docum. della Fraterna del SS.mo Rosario di Tiezzo (ASU CRS 521); 1783 Osualdo Bottan, cameraro della Chiesa e dell’Oratorio Campestre di Basedo (ASU CRS 27); 1797 Alberto Bottan, debitore Luminaria di Brugnera (ASU CRS 31); 1840 i Bottan presints a Cjanive, rivâts di Orsago (Luchini, 1997).

Bottàz

Dal furlan butàz, o dal venit botàz che a vuelin dî “botaç". Tal Schedari Corgnali: 1321 Georio dicto Botaç de Versola; 1431 Botaç de Reana. Presint a Gurize.

fonts

1601 Ser Dominicus Bottacio di Leonardus de Clauiano (Filze); 1782 Steffano Bottazo di Craoreto fitt. nobb. de Puppi (ASU Coll.-Mels III part 33); 1788, ai 10 di Fevrâr don Vincenzo Buttazzi (o Bottazzi) di d.no Andrea – la Banca di Cordignano formata da 8 Sig. e 5 d.ni lo elegge sagrestano coadiutore di don Franc. Bernardi (Patrimonis); 1808 Valentin Bottas della Comunità di Dolegna (ACAU 739/2); 1817 Giovanni Bottaz di Simone nato in Mernico nel 1784, sposa Mariana Costantin di Stefano da Mernico (A.P. Prepot).

Bottèr

Al ven de peraule venite botèr “cui che al fâs caratei". Tal 1598 a Cividât ser Vincenzo Osmiano detto Botter. Cognon venit che al ven di Trevîs; si lu cjate ancje a Cjaurlis, Pordenon, Daçan, Puart, San Stin. Tal 1541 Vendizione di Bernardin Botter (o Butter) q. Agnulo de Marin de Chions ai nobb. Panigai per duc. 20 d’un Campo arativo posto in loco detto La del Limit (ASU Panigai 215).

fonts

Documentade la forme Bottàri. 1671, ai 6 di Dicembar Felicita sorella del dott. Andrea e di Giuseppe e Francesco q. Gio. Maria Bottari nobili di S. Vito al Tagliamento – avevano le case in Pradis – patti dotali duc. 1200 con Ortensio q. Bartolomio Susanna di Udine (Filze); 1718 nob. dott. Andrea Bottari – Auditore in Spilimbergo (ACR 832/2); 1728, Jugn, Udin. Sigg. Bottari invitati al matrimonio di Maria figlia del Co. Daniele Sforza ed il Co. Coriolano de Valentinis q. Co. Antonio (BCU Fonts Princ. MS 3599 fass. II); 1786 Giovanni Bottari fu Benedetto nato a Chioggia nel 1758 si stabilisce a S. Michele al Tagl. ove acquista 50 campi sabbiosi (AB).

Bottìn

Forsit di bótte, o diminutîf dal non di persone antîc Botto. Cognon presint soredut te zone di Padue; te nestre regjon al è a Grau, Gurize e Palme. A Manià e je une Centa detta Bottin tal Catastic napoleonic. A Sante Marie la Longje in loco detto Botin sive Giatui nel 1734 (ma Bottim tal 1592).

fonts

1533 Zuan del Botin di Gonars, fittuale Coo. della Torre (ASU Della Torre 38.3); 1615 Ser Nicolaus Bottim Potestas de Meriano (ACAU 716/2); 1822 Domenica Bottini di Franc. nata in S. Giorgio di Latisana nel 1795, domic. in Driolassa, villica, sposa Valent. Cosato di Sebbast. da Faforeano (A.P. Durlasse).

Bottò

Salacor al à la stesse divignince di Buttò (viodi). Presint a Palaçûl e a Tisane.

Bottòs

Al è probabil che al vegni dal non di persone che si doprave une volte Botto, cu la zonte dal sufìs -òs come in Bertòs, Micòs, Linòs, e vie indevant (viodi Botto). Cognon avonde presint a Pasian di Pordenon, Daçan, Pordenon, Pravisdomini, San Vît; al è a Cjons, Cordenons, Vildiflum, Prate, Gruâr.

fonts

1674 Ser Franc. q. Dom.co Bottos da S. Andrea, teste in Pasian (ASU CRS 349/2); 1739 Osgualdo Botos di Barco fittuale nobb. Panigai (ASU Panigai 128.3); 1759 Giuseppe Bottos giurato in Vicinia Villotta di Sbrojavaca (ASU Bertoli 31.2); 1784 Mattia Bottos (ancje Bottosso) ammin.re Ven. Scuola Santissimo Sacramento di Annone Veneto (ASU CRS 6); 1784 Cecilia di Bortolo q. Daniel q. Bortolo Brusadin da Sesto sposa Antonio di Dom.co Bottos (Filze); 1846, ai 25 di Novembar. Gio. Maria Gheller di Marco nato a Lorenzaga mel 1823, sposa Giovanna di Antonio Bottos nata a Lorenzaga nel 1825 (A.P. Lorençaghe); 1945 al mûr il pitôr ritratist Piero Bottos, nassût a San Vit dal Tiliment. (Nazzi, 1992).

cognons