La fonde di chest cognon e je dal sigûr la peraule furlane bràide (viodi Braida). La part finâl e pues vignî di cualchi fal di scriture; al pues jessi un plurâl (e duncje si varà di leilu Bràides), o pûr pal sufìs -ês - che par solit al covente par fâ cognons di divignince (Braulinese, Fregonese, Buiese, e vie indenant) - in chest câs al varà volût dî di cualchidun che al vignive di un puest cognossût tant che Braida (a son legjons) o che al veve une vore di “braide" (alore si lu leiarà Braidês). Cognon presint a Udin. Tal 1700 Braides Lorenzo q. Girolamo da Buttrio di anni 32 ferito leggermente di coltello da Giuseppe Bini di Buttrio mentre conducevano da Cervignano a Udine carichi di sale con G. B. Meroi e Giacomo Braides (Biasutti). Tal 1710 Giacomo Braidesso, fittuale Chiesa di S.ta Maria di Buttrio (ASU CRS 39).