Forsit di Balugant, che al è il non di un personaç arap de epiche caroline (Olivieri, 1923; Pellegrini, 1981). Te “Cjançon di Orlant" si lei: En su destrer Baligant est muntét. O forsit al ven dal verp furlan buligâ, par venezian bulegàr, che al vûl dî ancje (Boerio) “movisi, ma no in maniere violente", e chest al podarès vê fat sorenons. Par De Stefani 2003, 215-216 al sarès la variante di Bulian (viodi) e la zonte de -g- e varès di gjavâ vie il jat. Buligàn al è a Banie di Flum e a Tavagnà; Bulligàn a Udin.