La fonde e je il non e il sorenon medievâl fat dal titul e dal grât capitano (o tes variantis antighis regjonâls capitanio) leât, tes diviersis etis e zonis, a diviersis funzions di caratar politic, aministratîf, judiziari o militâr (De Felice, 1978). Daûr di Rapelli 1995, al ven di un sorenon fat sul venit capitànio" cjâf massim dal aparât militâr", forsit a indicâ un colaboradôr une vore dongje di cheste autoritât. Il Cont di Carmagnola, justiziât a Vignesie par tradiment tal 1432, al jere capitanio general dal esercit venezian. Al è un cognon difondût soredut tal Venit; si lu cjate a Puart e a Udin.