Di un sorenon di significât clâr. Pe zone di Verone cussì Rapelli 1995: "al è origjinari di Grezzana, là che al è documentât dal Sîscent e dulà che a son dôs stradutis omonimis tacadis, dongje de contrade Carrara. Nol somee di vê dubis sul fat che si trate di un cognon di chenti; partint di chest, de sô forme - che al è evident che e je dote (in venit  al varès di jessi pluitost un *Cobiànco) - e dal leam strent tra Grezzana e Cerro, un dai XIII Comuns di Verone, e je probabile la ipotesi di Hugo Resch, di Landshut: secont lui si varès di viodi in chest cognon une copie leterarie di un sorenon cimbri *Baizzkóupf “cjâf blanc", che al corispuint al cognon bavarês Weiskopf ~ Weißkopf". Si lu cjate a Udin.