Cognon carateristic di Stevenà di Cjanive. Al è ancje a Sacîl, Pordenon, Spilimberc.
Olivieri 1923 lu classifiche tra i cognons augurâi e duncje al podarès jessi un travistiment elegant di chiara giornata tal sens di "buine zornade". N. Petris al prove a fâ cualchi ipotesi (dal adietîf chiaro "clâr", di chiaranda, "cjarande", dal non medievâl Ciardo...), ma cu la dificoltât di sclarî il sufìs -ìa. Forsit dome ricercjis di archivi a puedin risolvi chescj dubis.
A Fontanefrede al è il toponim Casa Chiaradia (IGM).
fonts
Dal Cinccent a son tancj a Stevenà e Frate (Cjanive) e si clamin ancje Chiaradie e Claradea.
1500 Chiaradia presint a Frate (Cjanive) (Luchini, 1997); 1542, ai 2 di Setembar Giacomo Chiaradie f. di Nic. da Stevenà – creditore duc. 10 dal q. nob. Gio. Pittiani di S. Daniele quando era cancelliere a Caneva (ANU 3922); 1578 al nas a Stevenà Marco Chiaradia di Franc. (Luchini, 1997); 1790 don Simon Chiarandia de Canipa Sacili al è predi (ACAU); 1883 Emidio Chiaradia, nassût a Cjanive (Sacîl) tal 1839, al è deputât par Udin e Pordenon (Nazzi, 1992); 1901, ai 11 di Avost Enrico Chiaradia di Simone da Caneva di Sacile – scultore – Il Citt. Ital. a p. 254 ne annunzia la morte – “una delle migliori sue opere fu il Caino esposto alla mostra Torinese del 1880” (AB). Si afermà jenfri i siei contemporanis tant che autôr de statue ecuestre di Vittorio Emanuele II, re di Italie, che e je tal mieç dal Altâr de Patrie a Rome (Angelillo, 2002).