Al podarès vignî dal non di un recipient Cuìnz o Cunz (par talian conzo), o dal non compagn di une unitât di misure che si doprave une volte soredut pal vin. Dut câs, nus somearès plui probabil che al vegni di Chunz, une forme curte antighe, di origin gjermaniche, dal non Corrado; in Kos 1995 si lei Chuncz = Konrad e la prove le darès un ciert Chunradus Chölbel che, in documents scrits tra il Dusinte e il Tresinte al vignive clamât sedi Chunradus, Chuncz che Conzo.
Tal Schedari Corgnali: 1272 d.ni Cuonçi a Glemone; 1273 Cunça mulier a Glemone; 1310 Cunsa uxor a Cividât; secul XIV Philippo q. d.ni Cuoncii a Cividât; 1407 domus Chuonzij a Glemone; 1408 Nicolao lagenario q. Chuontij de Vilaco. Tal 1293 Enghelpretto figlio del fu Concio di Manzano; tal 1314 Concio di Faganea; tal 1405 a Glemone in domo Chuonzii; tal 1381 a Udin un testament lu qual fes Chonc (si à di leilu Conz o Conç) sartor... A Dignan, tor la fin dal Cuatricent, a jerin a stâ Thomadut Conzo e Odorico Conzo clamât ancje Quonzo (Pičul, 1969). Tal 1747 don Antonio Conz ha la patente di confessore per la parrocchia di Tolmino (Biasutti). Si pues viodi ancje Rapelli 1995.
fonts
1564 Bartholameo Conz de Agnilina [= Engadina], in Maniaco habit. teste (ASU CRS 256/4); 1564 Jacomo q. Lonardo Sconzo de Gradisca di Spilimberc fittuale nobb. Spilimbergo (ASU Spil. II parte 33/A); 1747, 16 di Novembar don Antonio Conz patente Confessore in parr. Tolmino (Regjistri Confessôrs).