Il cognon Culauán (1602 Griuor Culauan deue Ducati n.1), mudât dopo in Culuán e Culván, al jere tipic dal paisut di Mezane (comun di San Pieri dai Sclavons) di dulà che al è emigrât tai paîs de valade (Ponteà, Oculis, Vernàs, Tei), ma aromai al è daûr a discomparî. Al è nassût cul sufìs -an, de forme curte Culáu dal non di persone (e non di un sant) Nicolaus “Nicole” (Zuanella, Dom, 21, 1994). Tal 1728 Zuanne Culvan q. Michaelle della Villa di Vernasso, teste in docum. della Fraterna del SS.mo Rosario di S. Pietro Schiavoni (ASU CRS 448).