Dal non di femine Cìlie “Cecilia”. Tal 1588 un Zuanne della Cillia a Cjasteons (comun di Çopule). Cognon tipic di Trep di Cjargne; si lu cjate ancje a Udin, Pordenon, Pasian di Prât, Savalons e Plasencis tal comun di Merêt di Tombe. Pai De Cillia di Trep di Cjargne o din cence altri la peraule a don Tarcisio Puntel (Puntel 1998): “I De Cillia a fasin la lôr comparse su la sene locâl tal principi dal 1500 in cualchi at di compravendite o tai libris dai niveis. Il de no si riferìs a un prefìs nobiliâr (e chi forsit si inrabiaran in tancj), ma a un sufìs che i predis a zontavin al non di batisim par indicâ la divignince de famee, par esempli de Broili, de Schiale, de Hortis. Par chel che al tocje l'apelatîf de Cillia, lis spiegazions pussibilis a son variis: al podarès derivâ di un matronimic tant che Cilia che par talian al vûl dî “Cecilia”, o ben une ave che e à dât il non ae cjasade. Une altre ipotesi si le tire fûr di un document dal 1555, cumò conservât a Paluce, li che si fevele di un tâl Mota (Mattia) Straus de Muda vallis Cilliae. Stant che par antîc vallis Cilliae, o val de Zeglia, al jere il non dal Cjanâl dal Gail di vuê, nol è impussibil che un todesc vignût di chê zone e lât a stâ a Trep al vignìs par solit clamât Checo, ipocoristic venit dal non Francesco; l’ipocoristic furlan pal stes non al è Cec e chest al sclarìs la frecuence di cognons tant che De Cecco, Cecchini, Ceccutti, Cecconi, ecc. l’apelatîf de Cillia. Si à di ricuardâ che a Paluce tal secul XVII al jere un numar impuartant di fameis cul cognon todesc, e ancje a Trep a jerin lis fameis Holms de Codrusum, Kanoler da Loos (Kotschach), Rese di Malborghet, Simone Teutonico, ecc.”.