Al pues derivâ di bêz, “bêçs", ma no podìn lassâ di bande il fat che Beç (let bez o beč), daûr di cierts documents di Glemone, al jere un non di persone antîc. No si à di escludi dal dut une variante di Pez (viodi).
Il cognon al è tipic di Vasinis (Trasaghis) (1562 Petrus de Bez de villa Avasinis) che e faseve part de plêf di Osôf. Tal “Libri dai Matrimonis" de plêf a son: 1594 josefo del beez di Avasinis; 1612 Domeni del beez di Avasinis; 1625 Dominici del Beez.
Al è presint ancje a Cjaurià (Colorêt di Montalban) e a Udin.
A Clausêt al è il toponim Bêç.
fonts
1613 Valentinus q. Josephi Molendinarius Bez de Avasinis (ASU Barnaba-App. 2.2); 1697, ai 14 di Setembar don Valentino Di Bezzo di Gius. q. Valent. e Maria de Iudicis da Avasinis nato nel 1675 – il padre gli fa patrim. eccl. (Patrimoni); 1703, ai 7 di Lui Lucia q. Ser Giuseppe del Bez da Avasinis in lite per promessa matrim. con Ser Antonio q. Gio. del Bianco che lei non vuole più (Filze); 1740 Giacomo e Pietro F.lli q. Vicenzo del Bez di Trasagas debitore di vino a Candido Billiano di Somblago (ASU Billiani 1.12); 1938 Di Bez 21 fameis a Vasinis (Corgnali).