A Mersin, tal comun di Pulfar, al è nassût, cu la formante slovene -ič (scrit -ig), dal sostantîf fant, il cognon tipic dal lûc Fántig. Fant “frut, fantat, zovin di buteghe" al è jentrât tant che prestit romanic ancje te aree linguistiche slovene. Il sufìs -ič, in chest câs, al podarès vê un valôr diminutîf e no patronimic (Zuanella, Dom, 21, 1990). Tal 1699 Heredi Fanti (o Fantig) fitt. in Mersino dei nobb. de Puppi (ASU Col.-Mels III part 23).