Forsit di faja, la pome dal faiâr, che une volte si deve di mangjâ ai purcits. Cussì intun document dal 1397: Purcielg chi son staz in fayo quest an passat. E tal 1500: purciel nudrit in faie. Al podarès jessi ancje un incressitîf dal furlan fàu (forme plui antighe di faiâr).
Pellegrini (Top. ven.) al cite un toponim Fajon, simpri derivât di “faiâr”, a La Valle di Agordo.
Par trevisan cun faja si indiche “une piçule mane, une manele di forment”.
Cognon presint a Muris (Ruvigne) (1476 Pietro di Giacomo Faioni), Manià (za tal 1295 un Corrado Faion), Solomberc (Secuals), Tramonç Disore, Midun, Udin (chi ancje tant che Faioni).
Tal 1343 Odorico quondam Iacobi Odorici Fayon de Spegnimbergo (Spilimberc) che tal 1346 al è Odorico quondam Iacobi Fayon (Bortolami, 1997).
A Trasaghis Fajón al è non di cjasade, documentât dal 1772, tra i Cecchini. Intal Schedari Corgnali: 1382 Giovanni detto Fayon a Forgjarie; 1392 Bertholomio q. Nicolai Faoni de Pagnaco a Udin; 1937 Faiòn 7 fameis a Tramonç Disore e 4 a Midun.
fonts
1476, ai 17 di Dicembar Pietro f. di Giac. Faioni di Muris teste in S. Daniele (ANU 3879); 1559, ai 11 di Dicembar Nicolò Faion q. Giacomo da Muris Tagl. compera per duc. 5 prato dagli Zava (ANU 3930); 1560, ai 14 di Novembar per duc. 10 compra da Pietro de Simonitti q. Simone di Muris un campo (ANU 3918); 1591 Valentino Faioni di Chiavriis accusato di eresia (ACAU – Inc. pr. 212); 1642 Jacomo Faion fitt. in Muris dei nobb. Colloredo (ASU Col.-Mels III part 25); 1731 Dom.co q. Leonardo Faion dell’Agnolo, fittuale in Forgaria (ASU CRS 224/2); 1746 Ser Dom.co Faion di Tramonti di Sopra, teste in Navarons (ASU CRS 295/1); 1773, ai 20 di Dicembar Mattia Faion di Paolo anni 24 da Lamlaza nel Cragno – da 2 anni a Faedis pignataro – sposa Maria di Luca Quodrig (Filze); 1794 Osvaldo Dorigo detto Fagnon, cameraro della Fraterna Madonna del Rosario di S. Quirino (ASU CRS 448); 1794 Leonardo Faion, debitore della Scuola del SS.mo Sacramento di Tramonti di Sopra (ASU CRS 524).