Dal non de leguminose che une volte e jere tant coltivade in Friûl e che po e je stade rimplaçade dal fasûl. Il cognon si lu cjate a Fossalte, Pasian di Pordenon, San Vît dal Tiliment (1511 Jacomo del Fava de Savorgnan), Cjarlins, Puart. Intal Schedari Corgnali: 1382 Fava q. Chocii de Cusignacho; 1422 Vallantini del Fava de Savorgnano a Siest; secul XIV Fava uxor Cordie de Flambro; 1506 Vicentius Fava di S. Pier d’Isonzo; 1520 Salvatore de Fava a Palsis.

Di un sorenon origjinari (Fave lesse). Une volte, te nestre regjon, si coltivave e mangjave une vore la fave, tant che e jere la leguminose di grignel dominante te alimentazion umane; e ven rimplaçade dal fasûl, di origjin americane, a tacâ dal Cinccent. Il cognon si lu cjate a Pasian di Pordenon e a Puart.

Tant che Fàvaro (viodi), ma in version diminutive. Dut câs, o fasìn notâ che favrèto, par venezian, al è il non di un ucielut che par talian si lu clame “saltimpalo" (Boerio). Cognon venit (la forme Favaretto e je une vore difondude a Vignesie). Inte nestre regjon si pues cjatâ Favaretti a Pordenon e Favaretto a Lignan.

Dal venit fàvero “fari". Presint a Gurize.

Diminutîf de peraule venite fàvero “fari". Cognon venit; presint a Purcie.

Dispreseatîf di Fava (viodi). Tal 1937 Favatti 5 fameis a Dimplan (Corgnali).

Dal venit fàvero “fari". Il furlan al veve lis formis fàvar e fàver dongje di chê plui comune fâri. In ogni câs, chestis formis cognominâls a son slargjadis soredut in Venit (Fàvaro al è une vore presint a Vignesie). Inte aree che o vin studiât il cognon Fàvaro si lu cjate a Bevaçane, Bibion, Cjaurlis, Muçane, Pramaiôr, San Stin, Tei (Castellarin, 1989), ma ancje a Pordenon, Cjasarse, Gurize, Tor di Zuin, Sacîl, San Vît dal Tiliment. La forme Fàvero si le cjate a Cjaurlis, Concuardie (Castellarin, 1989), Udin, Pordenon, Gurize, Monfalcon, Sacîl, Spilimberc.