Dal non di persone identic (a Glemone tal 1437 a la muglir chi fo Ferant chi fo al mulin ad aburatar la farina del pan de la sitimina). Par Rapelli 1995 “dal non personâl Ferrànte, che al derive dal adietîf antîc ferrànte riferît al colôr tra il grîs, il fier e il rossit dal mantel dai cjavai, miscliçât di pêi neris, grîs, blancs e dai bai. Pe difusion dal non al varà judât il fat che diviers cjavai des liendis cavalereschis francesis a vevin chel non". Intal Schedari Corgnali: 1270 Detalmo ferant a Glemone; 1330 Ferandus condam Reseani de Resenta; 1368 Andreas dictus Ferant de Villa Utini; 1413 Valentino dicto Ferando q. Joh. Martini de Ara; 1537 M.° Ferando q. M.° Simon a Atimis. Presint a Monfalcon (plui slargjât a Triest e tal Venit). E cussì il cont Ermes: Ti spieti senze fal cun cûr costant ma mene ancje cun te lu bai Ferant.