Fole, cussì come fol, al vûl dî “fol". Dut câs, nol è di escludi une derivazion par aferesi di (To)fola, feminin di Tòful, che al è la forme aferetiche di Cristòful “Cristoforo". La scriture Folla par Fola e jere te prassi dai scrivans di une volte che a vevin gust di zontâ cualchi dople. Cognon tipic di Aquilee; al è ancje a Çarvignan, Vile Vicentine, San Ganzian.

Come Foladore (viodi). Tal 1439 un Nicolò q. Odorico folladore al jere a stâ a Povolâr, tal atuâl comun di Comelians (Gortani, 1898). La forme Folladore si le cjate a Gardiscje; Folledore a Bertiûl.