Come Fratta (viodi); in chest câs al podarès jessi un plurâl talian o un singolâr furlan ipercoret. Centris abitâts che si clamin cussì a son in provincie di Pordenon, Padue, Pesaro, Perugia. Al podarès jessi ancje une forme ipercorete di frate (tal 1366 a Muimans un Dominicus dictus el Fratte). Il cognon al è tipic di Flaipan di Montenârs (culì al è documentât dal 1590 e al è il borc Fratins); al è ancje a Magnan, Tarcint e Udin.

Documentât a Pramaiôr te forme Frater, il cognon si pues ben interpretâlu come un derivât dal non di une localitât, Fratta, cul sufìs-èr. Il cognon Frattèr al è presint ancje te zone di Puart, Preganziol e ancje a Vignesie e Trevîs (Marcato, 1995). Fratta al pues jessi un microtoponim, ma ancje un centri abitât: 2 Fratta in provincie di Trevîs, 2 in provincie di Pordenon, 1 in provincie di Vignesie...