Dal non di persone feminin Adelaide che, par furlan antîc, al jere Adaleita. Il non si è formât duncje par aferesi, ven a stâi cu la disparizion de part iniziâl. Tal N. A. il non Adaleita, scrit par solit Adaleyta, al torne un vincj voltis e e comparìs ancje une Leyta filia Simonis de Furcha de Ragonia. In Cjargne une Leyta de Alvarins mater Guecilli et Gusetti tal 1399. A Buie une Leyta relicta Odorici dicti Maseti e Maria filia dicte Leyte a fasevin part de confraternite di Sante Marie di Malotul tal 1431. Intal Schedari Biasutti: 1374 Leita q. Marco di Cussignaco; 1440 m.° Giacomo Leita q. Daniele Leyte muraro de Artegna. Tal OT 109 Iacobus di Lyunaco pater Leyte. Tal Cjanâl Pedarç, dulà che al è ancjemò presint, chest cognon al è documentât almancul dal 1479 cun Nicolao Leite habitans in villa de Plueria (A. Roia). Si lu cjate ancje a Pasian di Prât, dulà che al è avonde slargjât, e a Udin.