Al è une vore probabil che e sedi la forme aferetiche dal diminutîf di un non di persone, par esempli (Emi)liùt, (Ila)riùt (cun rotacisim), (E) liùt (di Elìa), Durliùt (di “Odorlico") o altris. Di no lassâ in bande, dut câs, formis scurtadis di nons medievâi come Liutprandus e Liutoldus (chest ultin tal N. A.). Tal 1325 don Alberto pievano di Liuth della Carinzia (Biasutti): duncje al podarès jessi ancje chest non di lûc, ma a coventin plui ricercjis par une conferme. Tal Schedari Corgnali: 1294 Liutto de Goud a Glemone; 1301 Liutto Laçarino a Glemone; 1314 Liutfeudus de Sacilo; 1323 q. Liuti de Clauceto.
Avonde slargjât a Pordenon, Codroip, Vilote (Cjons); presint ancje a Vildivar, Aquilee, Daçan, Çarvignan, Udin, Çopule, Cint.
fonts
1673 Menego Liuto, fittuale in Sesto (ASU CRS 491/3); 1709 Ser Gio. Batta Liutto, cameraro della Chiesa S. Liberale di Villotta di Chions (ASU CRS 843); 1719 Pasqualin Simeon d.° Liut (o Liutto) di Villotta di Chions, gastaldo della Scuola di S. Rocco (ASU CRS 843); 1791 Angelo Liut di Chions fittuale nobb. Panigai (ASU Panigai 128.5); 1846, ai 25 di Novembar Alvise Liuto di Osvaldo nato nel 1825 a Lorenzaga, sposa Maria Casonato di Antonio nata a Lorenzaga nel 1927 (A.P. Lorençaghe); 1952 al mûr il pilote Elia Liut, nassût a Vildiflum tal 1894 (Nazzi, 1992).