Cognon carateristic di Cjavàs li che si dîs i Maràlts e li che al à dât il non a une borgade e a un puint (33 presincis te vuide telefoniche 2001). Culì tal 1690 Antonio q. Osgualdin Maraldo. Par vie che i nons todescs a podin vê la variazion o/a (es. Bertoldo/Bertaldo) o podìn prossumâ che il non Moroldo, in altrò regjistrât ancje come cognon (par esempli a Damâr) al podedi vê vût une variante *Moraldo e, di cheste, Maraldo. Tal paîs confinant di Fane si cjate tal 1294 Moroldo de Fana e tal 1295 Michela uxori Petri de Moraldo de Fana (R. Moschion, inf. pers.). In Corgnali: 1108 Maraldus a Cividât; 1684 Antonio Maraldo a Fane.