Cognon avonde difondût a Purcie (un tic di plui a Arzignano in provincie di Vicence) e a pene rapresentât a Pordenon (1429 Dominicus Marzotti), Cordenons e Udin. Tal 1513 Redolfo de Marzot a Chiavornic di Cordenons; tal 1546 Iacomo de Marzot da Cordenons. O vevin pensât a une derivazion da non antîc di persone Marz(o), ma Nerio Petris, scrusignant sui Marzotto une volte presints a Çopule, al à aciertât che al jere un origjinari Marcellotto (duncje incressitîf dal non Marcello), po ridot a Marzotto par aplologjie di -ell-.