Di neri, e duncje in principi si sarà riferît al sorenon di une persone cu la carnision scure (1380 de sur del Neri a Glemone; 1439 Fortunas del Neri di Tarzint); al è, insume, une forme plui "furlane" dal plui slargjât Del Negro. Tal 1465 a Muimans Stefano fiolo de Jacomo del Nero (Ziani, 1999). In cualchi câs al podarès jessi la forme aferetiche dal non di persone Varnèri, par esempli tal 1403 Varnerius dictus Neri de Ranzano (R. Moschion inf. pers.). Dutis dôs lis variantis si lis cjate a Aquilee, Flumisel, Gurize, Monfalcon. Intal Schedari Corgnali: 1437 Domeny de lu Nery de Pusquolo a Udin; 1505 Bastian del Neri a Sudrio; 1510 Vitor del Neri a Dimpeç; 1512 Zuan di Neri a Cabia; 1512 Nicolao del Neri de Tavagnaco; 1547 Sebastiani del Neri de Casarsia.

Al pues jessi il plurâl dal talian nero, adietîf che, come negro, moro al sarà deventât sorenon di une persone scure di piel e, duncje, cognon; o pûr rifleti in maniere direte il furlan nêri (tal 1380 a Glemone de sur del Neri). In altris câs, però, si pues cjapâ in considerazion une forme aferetiche dal Varnerio: par esempli, tal 1403 Varnerius dictus Neri de Ranzano (R. Moschion informazion personâl). Cognon avonde rapresentât a Monfalcon e a Tisane, cun codis a Lignan, Pordenon e Udin. Intal Schedari Corgnali: 1303 carta Neri de Bardis florentino habit. a Glemone; 1321 Ser Neri de Bardis de Flor. civis et habitator Aquileja; 1528 Gasparinus dictus Lo neri a Sant Zuan di Cjasarse; 1556 Lonardo q. lo Neri a Sante Marize.