Tu âs cirût la peraule
bilengâl cognons
Tu âs cirût la peraule
all

bilengâl

all s.m.inv.
  • 1

    s.m.inv. paritât Copie

    [ES], [TS] sport (paritât di ponts intun zûc dal tenis)

cognons

Allegranzi
Di Aligrànz, Ligrànz, Legrenza (talian Allegranza), antîc non di femine (NP, Tabele onomastiche) che si pues peâ al talian antîc allegranza “ligrie, letizie, gjonde” (CI 49). Cognon presint a Cjanive e a Sacîl (si cjate te no lontane provincie di Trevîs, soredut a Cordignano e a San Vendemiano). Tal Schedari Corgnali: 1316 Alegrancina de Mediolano. Tal 1880 i Allegranzi presints a Cjanive, oriunts di San Cassian (Luchini, 1997).
Allegretti, Allegretto
Diminutîf di Allegro, non o sorenon di fate augurâl che nol à bisugne di sclariments (1436 Allegretta moglie di Francesco q. Odorico da Cerseto e jere a stâ in Borc di Vilalte a Udin). Tal Schedari Corgnali: 1346 Allegretto Nuzi da Flaibano, pittore Toscano. Dutis dôs lis formis a son presintis a Udin (Allegretti al à une cierte difusion inte Italie centrâl); Allegretto al è carateristic di San Foche di San Quarin (1529 Dorothea de Legretto da S. Foca; 1672 Ser Simon Allegretto da S. Foca tal Schedari Biasutti).
fonts
1541 Floreto Allegretti (anche de Legretto), cameraro della Fraterna dei SS.ti Rocco e Sebastiano di San Foca (ASU CRS 444); 1595 Maso di Jacomo Allegretto di S. Leonardo di Campagna (ASU CRS 498/2); 1742 M.° Zuanne q. Giac. di Venuto Allegretto di San Foca, debitore del Convento B.V. delle Grazie di Valvasone (ASU CRS 833).
Allegro
Di Allegro, non o sorenon di fate augurâl. Ben presint in cualchi aree taliane, soredut in Sicilie e te aree di Padue. Te nestre regjon si cjate a Malisane di Tor di Zuin.
fonts
1649 Allegri conte Giobatta governatore di Palma; 1680, 5 di Març Sig. Giacomo Allegri era agente dei coo. Manin (Matrim. Redentôr); 1784 Sig. Pietro Allegri da Udine – spezieria “Alla Fontana” (ACR 307/2).
Allòi, Alòi
Alòi, Alò e Loi a jerin nons di persone che a corispuindin al talian Eligio (viodi Nardin, 1998). A Vençon tal 1443 un meser aloy; tal 1551 une D. Valentina Aloya. A Glemone tal 1546 Lucia Thomasa filia Magistri Aloy. A Udin, tal 1680, Catterina Aloi figlia del sig. Jseppo. Zucchiatti 2008, 25 al à chestis atestazions: 1400 compatres Tofulutus Aloy; 1402 Thomas filius Christofori Aloi; 1402 compatres Blasius Aloy a Glemone. Cognon presint soredut a San Tomâs di Maian.
fonts
1545 de Aloys Ser Aloisio cittad. Venzone aveva promesso dote duc. 50 alla nipote Francesca che sp. m.° Mattia sarto di Caporiacco abit. in Fagagna (ANU 2059); 1648, ai 27 di Mai divisione beni di Alloi Sig. Tomaso da Gemona (Filze 1721); 1654 Hieronymus Aloy di Glemona al è predi (ACAU); 1656, ai 12 di Avrîl don Girolamo q. Candido Aloi di Gemona (Filze 1656), suo f.llo Francesco Aloi abit. Udine Porta Cussignacco teneva scuola (Filze 1673); 1682 Nicolò Aloi notaio di Udine (ASU); 1720 al mûr Nicolò Aloij cancelîr de citât di Udin, dulà che al jere nassût tal 1640 (Nazzi, 2002); 1757 M.° Giuseppe Aloij fabro di S. Tomaso (ASU Barnaba 21.15); 1768 Anzolo Aloj, cameraro Oratorio San Filippo Neri Tolmezzo (ASU CRS 522).
torne sù