Tu âs cirût la peraule
bilengâl monolengâl
Tu âs cirût la peraule
avvertimento
torne indaûr

bilengâl

avvertimento s.m.
  • 1

    s.m. avîs, racomandazion, consei, avertiment Copie

    [CO] (il racomandâ, il conseâ e il lôr risultât)
    gli ho dato un avvertimento = i ai dât un consei
  • 2a

    s.m. segnâl Copie

    [CO] (segnâl che al fâs pensâ a alc di plui grivi)
    quel dolore alla schiena era stato un primo avvertimento = chel dolôr te schene al jere stât un prin segnâl
  • 2b

    s.m. avertiment, intimidazion, menace Copie

    [CO] (avîs fat par menaçâ)
    un avvertimento in perfetto stile mafioso = une intimidazion in stîl mafiôs rût
  • 2c

    s.m. avertiment Copie

    [TS] sport (intal balon, inte box e inte scherme, intervent dal arbitri par riclamâ i zuiadôrs a di un compuartament plui coret)
  • 3a

    s.m. judizi, avertence Copie

    [BU] (compuartament o disposizion prudente)
    cerca di avere l'avvertimento di non stare troppo al sole = cîr di vê il judizi di no stâ masse tal soreli
  • 3b

    s.m. sintiment, judizi, savietât Copie

    [OB] (capacitât di stâ atents ancje in anticip)
    avere avvertimento = vê judizi

monolengâl

judizi s.m.
(ju-di-zi)
Il judicâ, il pensâ in detai che cdn. o alc a vedin un ciert valôr, une cierte reson e v.i.
sinonims
considerazion, critiche, opinion, parê, preseament, valutazion
esemplis
"al è di viodi, e fâsi un judizi, sul parcè e sul mût che e je stade fate somosse dai puars contadins e sotans"
gjavât fûr di "Int di masnade" di Alviero Negro
judizi s.m.
(ju-di-zi)
Capacitât di valutâ, di resonâ
sinonims
inteligjence, cjâf, criteri, pinsîr, sintiment, inzen
esemplis
"Se no tu vûs vê altri, cjo [un altri tai di vin]! Viôt dome di no bevi il judizi, Checo!"
gjavât fûr di "La furlane" di Dolfo Zorzut
"come une crôs lu vevin tignût ducj chei agns [un fradi cun problemis psicologjics], sperant simpri che si metès a fâ ben, che i tornàs un pôc di judizi"
gjavât fûr di "A uciei cu lis archetis" di Pieri Menis
judizi s.m.
(ju-di-zi)
Capacitât di doprâ la inteligjence cun calme e prudence, ancje daûr di criteris di moralitât, par fâ lis sieltis justis e par no lâ incuintri a consecuencis negativis
sinonims
cautele, considerazion, criteri, misure, prudence
esemplis
"tu coris masse tu Gelindo… Bisugne vê judizi… tu coris masse "
gjavât fûr di "Co l'amôr al cimie" di Costantino Smaniotto
"e à doprade cun judizi la sô libertât, e à filât drete"
gjavât fûr di "Lis predicjis dal muini" di Josef Marchet
judizi s.m.
(ju-di-zi)
Complès de ativitât che si fâs devant di une autoritât judiziarie par rivâ a une pronunzie
sinonims
procès, cause
esemplis
"la leç austriache dai 17 di Dicembar 1862 e declarave la abolizion dai feuts, ma daûr di un judizi di sfrancjament, che al jere lunc e al costave"
gjavât fûr di "Liniis di storie sociâl e economiche dal Friûl 1500 – 1800" di Adrian Cescje
judizi s.m.
(ju-di-zi)
[TS] (dir.) Decision cjapade dal judiç
sinonims
sentence
judizi s.m.
(ju-di-zi)
Cualsisei decision suntune cuistion, ancje uficiâl, ma no par fuarce di une autoritât judiziarie (estens.)
esemplis
"i rispuindei sut sut che i varès dât un voli a lis cjartis e che al spietàs il judizi de comission"
gjavât fûr di "Chel de formadiele" di Pieri Somede dai Marcs
"'Sebio, cence savê ce da fâ, al veve fate un sdrume di amîs, e tes ostariis, se a jere une cuistion, lui al dave il judizi"
gjavât fûr di "Un om di mont" di Alan Brusini
judizi s.m.
(ju-di-zi)
[TS] (scol.) Valutazion di une prestazion scolastiche singule intune materie, o di dute une dade dal timp scolastic, o di dut l'an scolastic
sinonims
valutazion, vôt
esemplis
"nol vâl nuie cambiâ i nons, tant che primarie al puest di elementâr o unitât di aprendiment al puest di unitât didatiche, e la stesse robe e vâl pai judizis: la scjale dal un al dîs [...], i trentesims o i centesims a son dome convenzions"
gjavât fûr di "Ce si puedial fâ pardabon pe scuele furlane?" di Bruno Forte
detulis
"cuant che il Signôr al vûl pierdi un, i cjol il judizi"
"cui che al à plui judizi, plui ind dopri"
"il mani de pale al fâs piâ judizi"
"il timp al mene judizi"
"la gnot e mene judizi"
"lis disgraciis a menin judizi"
"si bêf il vin e no il judizi"
torne sù
torne sù