Tu âs cirût la peraule
bilengâl monolengâl
Tu âs cirût la peraule
bietta
torne indaûr

bilengâl

bietta s.f.
  • 1a

    s.f. coni, penule Copie

    [TS] artes. (coni che si dopre par sclapâ il len)
  • 1b

    s.f. coni, penule, spele Copie

    [CO] (toc di len che si met sot dai pîts di un mobil par che nol clopi)
    ricordati di mettere una bietta sotto quel piede = visiti di meti un coni sot di chel pît

monolengâl

coni s.m.
(co-ni)
(gjeom.) Figure gjeometriche solide che e ven fûr di une rotazion di un triangul retangul intor di un dai catets
esemplis
"calcolâ il volum di un coni"
coni s.m.
(co-ni)
Toc di len, o in câs di altri materiâl, fat a ponte, in mût di jessi doprât par jemplâ vueits, fâ spessôr, sfuarçâ sclapaduris e v.i.
esemplis
"[il gan] al veve ficjât las çates tal sclap tignût viert par mieç di un coni"
gjavât fûr di "Al marcjât di Vile" di Luigi Gortani
"cui roui, cui faiârs, cui frasins taia, / che van jù stramaçant par chei valons: / cui cjaça il coni jù, cu lis maçuelis, / e il roul plui grues va separant in stielis"
gjavât fûr di "La Eneide di Virgjili" di Zuan Josef Busiç
coni s.m.
(co-ni)
Sorte di biscot fat sù in forme coniche par meti il gjelât
esemplis
"cuant che i miei amîs a jessirin dal cine, jo o jeri li sentât sul muret… scunît e cul coni vueit e slapagnât in man"
gjavât fûr di "Un daspomisdì di Istât" di Galliano De Agostini
coni s.m.
(co-ni)
Imprest e oficine par bati lis monedis di metal, lis medaiis, e tai stâts modernis ancje par stampâ i boi e i biliets di bancje
esemplis
"dentri dal so ream a puedin circolâ dome i bêçs vignûts fûr dal so coni"
gjavât fûr di "La invenzion dal stât" di Fabian Ros
coni s.m.
(co-ni)
In metaforis o paragons, persone pôc inteligjente, ancje tant che ofese gjeneriche (fig.)
esemplis
"o fâs la figure dal basoâl, culì dûr tant che un coni, contentantmi di cjalâ tancj cjâfs di cuatri che a van sù e jù passantmi denant i voi e fasint alt e bas"
gjavât fûr di "Florean dal Palaç, I, 1" di Guido Antonioli
coni s.m.
(co-ni)
Cuantitât di bêçs che si à di paiâ o di tornâ
sinonims
debit, claut
esemplis
"che no si infidavin a fevelâ par vie di cualchi coni che e vevin simpri cul paron"
gjavât fûr di "La aghe da pît la cleve" di Dino Virgili
" a jerin misars e a vevin conis di paiâ par dutis lis buteghis e ostariis"
gjavât fûr di "Pre Pitin" di Antoni Beline
detulis
"il prin an di matrimoni o che si inmalisi o che si fâs un coni"
torne sù
torne sù