Cènte al è un microtoponim (un non di localitât) avonde difondût. Il significât plui antîc al jere chel di "cente di muris", "cente difensive", o sedi une di chês formis di fortificazion che a vevin une volte ancje i piçui borcs. Un altri significât, salacor plui resint, al è chel di "broili centât, teren centât coltivât cun pomârs" (NP). Tal 1431 a Buie Doretea uxor Martini de Centa. Il cognon al è presint a Manià (culì i toponims Centa Centazo, Centa dei Cargnei, Sot Centa, Centa oltra la Colvara, Centa Cassandra e altris) e a Udin.

Par Olivieri 1923 al podarès vignî dal venit çento “cinture", ma nol è di escludi un contribût di centa “cente di muris" (viodiCenta). Cognon slargjât a Manià dulà che si cjatin i toponims Centa Centazzo tal 1848, Casa Centazzo tal 1838, Piazza detta Centazzo tal 1856 (Olivetto et al, 1993). A Prate di Pordenon il toponim Casa Centazzo (IGM).

Come Centa (viodi), al plurâl, o te version che e latinize. Centis e je ancje une localitât dal comun di Cjavàs. Tipic di San Vît dal Tiliment; al è presint a San Zuan di Cjasarse (culì al è documentât dal 1620), Cjasarse, Siest, Cordovât, Basilian, Tisane. Tal Schedari Biasutti: 1535 Driussio de Centis q. Matteo da Belgrado ferito da Aloisio q. Giorgio di Gradisca; 1791 Paolo Centis di Gio. Batta da S. Vito al Tagliamento sposa Giacoma di Valentino Toso di Codroipo. In realtà era il fratello Angelo Centis che col nome del fratello si era fatto rilasciare l’attestato di libertà di sposarsi, mentre aveva reso incinta Maria di Francesco Bernardo di Savorgnano al Tagliamento; viene denunciato al Luogotenente.

Cente al è un microtoponim (non di localitât) pluitost difondût. Il significât plui antîc al jere chel di “cente murade", “cente difensive", in sumis une forme di “fortificazion" che di jê, une volte, si zovavin ancje i borcs piçui. Un altri significât, facil che al sedi plui resint, al è chel di “teren centât, coltivât pal plui cun broilis" (NP). Tipic di Riu (Paluce); si lu cjate ancje a Dimpeç. Intal Schedari Biasutti: 1580 don Antonio Centa di Giacomo da Socchieve; 1667 Gio. Batta di Giacomo q. Angelo q. Gasparino q. Silvestro di Centa da Rivo sposa Margarita q. Gio. Batta di Centa; 1669 Pietro di Centa notaio da Rivo.