Hai cercato la parola
bilingue monolingue
Hai cercato la parola
eleggere
Torna indietro

bilingue

eleggere
  • 1

    v.tr. elei Copia

    [FO] (conferî une incarghe a cdn. votant)
    i consiglieri di amministrazione hanno eletto il presidente = i conseîrs di aministrazion a àn elet il president
  • 2

    v.tr. cjoli, sielzi Copia

    [CO] (sielzi jenfri plui personis)
    lo ha eletto come persona fidata = lu à sielt di persone fidade

monolingue

cjoli v.tr.
(cjo-li)
Cjapâ alc, massime cu lis mans
sinonimi
cjapâ, cjapâ sù, cjoli sù, gafâ, grampâ, racuei, tirâ sù
esempi
"e va tal armâr a cjoli la padiele di tiere dal cicin. Le cjol e e sint che no pese. I alce la covertorie e e je vueide"
da "Il cicin" di Meni Ucel
Vedi anche: toli, tuoli, cjueli
cjoli v.tr.
(cjo-li)
Puartâ vie, puartâ alc cun se par tignîlu, par doprâlu
esempi
"se ti covente alc, tu puedis cjoli ce che tu vûs"
da "Prime di sere" di Carlo Sgorlon
cjoli v.tr.
(cjo-li)
Tirâ vie, tirâ fûr par tignî o par puartâ di cualchi bade
esempi
"Clement, par esempli, che al leve a cjoli glerie te Tor cu lis vacjis, tornant, si fermave a Godie plen di fam e di sêt"
da "I furlans e lis bestiis" di Riedo Pup
cjoli v.tr.
(cjo-li)
[CO] (zûcs) Intai zûcs di cjartis, meti une cjarte tra chês che si ten in man o tra chês che si à vinçût
sinonimi
pescjâ, cjapâ, cjapâ sù, cjoli sù
esempi
"a briscule ogni zuiadôr al met jù une des trê cjartis che al à in man, po, prime di fâ une altre zuiade, al cjol une cjarte dal mac"
cjoli v.tr.
(cjo-li)
Sielzi e comprâ
sinonimi
cjapâ, cuistâ, comprâ
esempi
"cor sù in speziarie a cjoli lis medisinis di cheste recipe"
da "Cjase di Dalban" di Maria Forte
"mi coventin cinc francs par cjoli il sâl, il vueli, il zucar"
da "La buteghe dal barbîr" di Pieri Somede dai Marcs
cjoli v.tr.
(cjo-li)
Doprâ come mieç di traspuart
sinonimi
cjapâ
esempi
"o voi in stazion a cjoli la coriere"
cjoli v.tr.
(cjo-li)
Ricevi, acetâ ce che al ven proferît
sinonimi
cjoli sù, cjapâ, ricevi, vê, tirâ, cjapâ sù
esempi
"il premi al varà di jessi cjolt di persone o di un fiduciari cun deleghe scrite"
da "Regolament di "Zâl par Furlan"" di Aministrazion Publiche
cjoli v.tr.
(cjo-li)
Vê in possès ma no in proprietât, daûr di ciertis cundizions
esempi
"sô pari, natîf di Braçan, al veve cjolt in afit un mulin su lis nestris roiis"
da "La mulinarie" di Catarine Percude
cjoli v.tr.
(cjo-li)
Tacâ a tignî cun se alc o cdn. par puartâlu di cualchi bande
sinonimi
cjapâ sù, cjoli sù, tirâ, tirâ sù
esempi
"si va a cjoli la robe de nuvice cul cjar e i bûs ducj inrosâts"
da "La aghe da pît la cleve" di Dino Virgili
"il president si scusà che nol veve tant timp par gustâ. E i tocjave mangjâ pôc e lizêr. Un elicotar al sarès vignût a cjolilu aes dôs justis"
da "Il sorbet di limon" di Agnul di Spere
cjoli v.tr.
(cjo-li)
Puartâ vie alc, spec. cu la fuarce
sinonimi
cjoli sù, curâ, puartâ vie, robâ, gafâ
esempi
"[Carli il Grant] al fasè un maçalizi di chei Langobarts che a si jerin rivielâts. Altris a 'ndi mandà vie lontans, altris a 'ndi metè in preson e ur cjolè dut ce che vevin"
da "Cuintristorie dal Friûl fin sot la Italie" di Josef Marchet
"cuant che a àn di preparâ un popul e fâlu deventâ sotan e fâlu ubidî simpri in dut e pardut, la prime robe che i cjolin, i cjolin la sô lenghe"
da "I furlans a àn di preâ te lôr lenghe par cuistions di religjon e di dignitât" di Francesc Placerean
cjoli v.tr.
(cjo-li)
Fâ murî
esempi
"o prei Chel là sù che mi cjoli daurman, prin che o puedi viodi i miei paîs plui progredîts di cussì!"
da "Lis predicjis dal muini" di Josef Marchet
cjoli v.tr.
(cjo-li)
Di alc, impegnâ un ciert puest o un ciert timp
sinonimi
tignî, cjapâ, puartâ vie
esempi
"lis facendis burocratichis, tra bancje, pueste e comun, mi àn cjolte dute la matine"
cjoli v.tr.
(cjo-li)
Sielzi e paiâ par fâ un lavôr
sinonimi
cjapâ, cjapâ sù, cjoli a vore
esempi
"lui al veve cjolt un bon avocat, ma nol rivave a viodi lis robis avonde claris par decidi ce fâ"
da "Frêt" di Agnul di Spere
"il sindic lu veve cjolt a zornade tal ufici dal lavôr e dai sussidis"
da "Chei di Muraie" di Pieri Menis
cjoli v.tr.
(cjo-li)
Sielzi cdn. par une cierte funzion
sinonimi
becâ, brincâ, cjapâ sù, cjoli sù, cucâ, dâ sotet, piâ, tirâsi dongje
esempi
"al casting dal prossim reality, chest colp, o soi sigûr, a ti cjolin ancje te"
da "Al prossim casting ti sielzin te" di Maurizio Mattiuzza
cjoli v.tr.
(cjo-li)
Sielzi e tignî tant che compagn sentimentâl, soredut cul matrimoni
esempi
"jo no i volevi ben: lu ai cjolt par dismenteâti te che tu jeris sposât"
da "Ombrenis sul liston" di Dino Virgili
"cheste siore e à cjatade la magne tal cjamp e le à copade, però dopo i à dite: Va là, va là, jo ti ai copade te, ma tu cjoliti mê madone!"
da "Il miluç de magne" di Sandri Carrozzo
"cjolmi me, cjolmi ninine / contentine tu sarâs / une male perauline / tu di me no tu varâs"
da "Cjolmi me" di Popolâr
cjoli v.tr.
(cjo-li)
Acetâ e tignî in famee
sinonimi
cjapâ sù, cjapâ, tirâ dongje
esempi
"une frute che o vin cjolte par caritât"
da "Int di masnade" di Alviero Negro
cjoli v.tr.
(cjo-li)
Tratâ cdn. intun ciert mût (fig.)
cjoli v.tr.
(cjo-li)
Dâ acet a alc o a cdn. intun ciert mût
sinonimi
piâ, tignî, cjapâ
esempi
"lu vevin cjolt in fraie tra di lôr, subit che al jere tornât, come un "fi prodic""
da "Tal ospedâl" di Amedeo Giacomini
"sant Pieri, inmusonât e grintôs, nol faseve altri che bruntulâ e cjoli dut par traviers chel che i diseve il Signôr"
da "Lis âfs" di Catarine Percude
cjoli v.tr.
(cjo-li)
Sielzi ce fâ e metilu in vore
sinonimi
cjapâ
esempi
"a Comission e scomençà subit a cjoli decisions impuartantis"
da "Zuan Batiste Cavedalis - Une vite esemplâr" di Giovanni Pillinini
cjoli v.tr.
(cjo-li)
Bevi o mangjâ, in gjenerâl o soredut cuant che si è tun ambient o cuant che si è ospits
sinonimi
bevi, mangjâ, parâ jù
esempi
"jentrait, comodaitsi! Cjolêso alc, di ce che al è: un got di cafè di vuardi, un tai di bacò?"
da "Il muc" di Roberto Ongaro
"tu sâs che il miedi ti à ordenât di no cjoli ni cafè, ni licôrs"
da "Un pugn di moscjis" di Pieri Somede dai Marcs
"fermiti un moment, che o lin a cjoli alc insiemi"
da "Destins" di Pieri Somede dai Marcs
cjoli v.tr.
(cjo-li)
Fâ jentrâ cualchi sostance tal organisim, glotintle o in altris manieris
sinonimi
gloti, parâ jù, meti dentri
esempi
"Vigji Trep, che dopo i otante al à scugnût cjoli lis gotis, lis contave une par une fin la ultime"
da "I furlans e lis medisinis" di Riedo Pup
"bisugne che si meti in jet, doman matine che e cjoli une purghe"
da "Ursule" di Pieri Somede dai Marcs
"cjoli une medisine che si crôt che e funzioni al pues ativâ i mecanisims de ricompense che a molin la dopamine, un impuartant neuromediatôr che al jude la persone a stâ subit ben"
da "Neurosiencis dal dolôr" di Franc Fari
cjoli v.tr.
(cjo-li)
Regjistrâ une misure
sinonimi
misurâ, cjapâ
esempi
"il marangon i cjol la misure e po i fâs il coni e jal met a strent"
da "Chê de principine" di Andreina Nicoloso Ciceri
cjoli v.tr.
(cjo-li)
Pensâ che alc o cdn. a sedin un altri par vie che si somein
sinonimi
scambiâ, cjapâ
esempi
"di lontan lu vevi cjolt par so fradi"
cjoli v.tr.
(cjo-li)
Ancje in espressions retorichis o enfatichis, sielzi tant che esempli, model, argoment e v.i.
sinonimi
ripuartâ
proverbi
"bisugne cjoli il ben cuant che al ven e il mâl cuant che si scuen"
"bisugne cjoli l'abûs e tornâ l'ûs"
"bisugne cjoli la int come che e je"
"cjoli il ben cuant che al ven e il mâl cuant che si scuen"
"cjoli l'abûs al è tornâ l'ûs"
"cjolimi di grant e tornimi di piçul"
"cuant che il Signôr al vûl pierdi un, i cjol il judizi"
"cuant che no 'nd è, no si 'nt po cjoli"
"cui che al vûl un cjan di cjace che lu cjoli di raze"
"cui che al vûl vivi e che al vûl stâ ben che al cjoli il mont come che al ven"
"cul pôc si cjol e cul trop si fâs gnocis"
"cun zeis no si va a cjoli aghe"
"dulà che a 'nd è, si po cjoli"
"dulà che no 'nd è no si po cjoli"
"il mont al è simpri biel par cui che lu sa cjoli"
"il vin i da fuarce a la lenghe e ur e cjol a lis gjambis"
"no bisugne cjoli une gjate tal sac"
"no si cjol la ombrene par une sole ploie"
"no stâ mai cjoli une gjate intun sac"
"par stâ ben: cjoli il mont come che al ven"
"prin di lâ a cjoli il purcit, si à di fâ il cjôt"
"prin ton a soreli jevât, cjol il sac e va a marcjât; prin ton a soreli a mont, cjol il sac e va pal mont"
"si cjol lis moletis par no scotâsi"
"siroc e tramontan a menin vin e pan, buere e garbin a cjolin pan e vin"
"tant si 'nd à e tant la int si 'nt cjol"
"un bon consei cjolilu ancje di un cjalçumit"
Torna in Cima
Torna in Cima