Tu âs cirût la peraule
bilengâl monolengâl cognons
Tu âs cirût la peraule
fagotto
torne indaûr

bilengâl

fagotto s.m.
  • 1

    s.m. voluç, fagot, çacule, invoi Copie

    [AU] (grant voluç fat a la buine)
    cosa hai messo oggi nel tuo fagotto? = ce âstu metût vuê intal to fagot?
    è un barbone che ha solo il suo fagotto = al è un barbon che al à dome il so fagot
  • 2

    s.m.

    [CO] (doprât in paragons par dî che un al è imberdeât tai siei vistîts)
    l'ho visto col nuovo vestito, pareva un fagotto = lu ai viodût cul gnûf vistît, al someave un fagot

locuzions

    fare fagotto
  • fâ sant Martin, fâ i fagots, fâ il fagot, fâ la valîsCopie
    [CO] (cjapâ sù e lâ)
    ha fatto fagotto e se n'è andato = al à fat i fagots e al è lât vie

monolengâl

voluç s.m.
(vo-luç)
Cuantitât di fîl o sim. fate sù, soredut in maniere pôc ordenade
sinonims
involuç
Viôt ancje: guluç
voluç s.m.
(vo-luç)
Cuantitât di robe fate sù in se stesse o cun alc che le ten dongje o le cuvierç
sinonims
involuç
esemplis
"biel planc, poiât il voluç sui zenoi, al veve disgropât il spali e disvoluçade la cjarte"
gjavât fûr di "Grivôr" di Franca Mainardis
voluç s.m.
(vo-luç)
[TS] (gastr.) Preparazion di diviers ingredients, pal plui cjar o verduris, fate sù intor di se stesse o tun alc che le siere, tant che une fuee, une fete di cjar, une paste sfueade e v.i.
sinonims
involuç
esemplis
"voluç di brocul e rîs: sbuentait lis fueis di brocul e meteitlis sul taîr. Cuant che vês fat un risot in aghe e lat, cuinçât magari cun cualchi minuç di formadi e di salam, metint une buine sedon par fuee, involuçait, leait e saurît biel planc cu la conserve di pomodoro"
gjavât fûr di "Ort e cusine" di Emilia Baldassarre
voluç s.m.
(vo-luç)
Robe materiâl o imateriâl complesse, complicade, ancje confusionade (fig.)
sinonims
garbui, grop, imberdei, ingredei, intric, involuç, imbroi, gredei, berdei
esemplis
"Laurinç si sintì jentrâ a planc tun voluç di ricuarts"
gjavât fûr di "Un sorbet di limon" di Agnul di Spere
"a stan sù su la inconsistence des premessis e a son un voluç di banalitâts"
gjavât fûr di "Memoriis di politiche linguistiche" di Adrian Cescje
voluç s.m.
(vo-luç)
Situazion o fat contrari e dificil di passâ, che al met in dificoltât
sinonims
casin, cuistion, fastidi, grane, imbroi, impaç, inconvenient, ingredei, intrigatori, lambic, malan, malore, naine, pastiç, rogne, secjade, vuai, cantin, impediment, pastorie, ostacul, pidiment, complicazion, imberdei, gredei, berdei
esemplis
"ducj, te vite, ce plui ce mancul, si à vûts moments dificii, situazions ingredeadis, voluçs"
gjavât fûr di "Il «miracul» di un ûf" di Pieri Menis
torne sù

cognons

Fagotto
Al è probabil che al derivi di fagotto “involuç", ma ancje “persone malmontade tal compuartâsi e tal vistîsi", peraule di origjin francese atestade tal talian dome cul tacâ dal secul XVI (l'imprest musicâl cul non identic al è documentât tal talian dal 1585). De Felice 1978 al met chest cognon te liste di chei che a vegnin di faggio, il famôs arbul. Si lu cjate massime a Puart e, mancul, a Gruâr, Cint e Pordenon (culì ancje tant che Fagotti).
torne sù