Tu âs cirût la peraule
bilengâl monolengâl
Tu âs cirût la peraule
frigido
torne indaûr

bilengâl

frigido adi., s.m.
  • 1

    adi. frêt, glaçât Copie

    [LE] (che al à une temperadure basse)
    le acque frigide del lago = lis aghis glaçadis dal lât
  • 2

    adi. frêt Copie

    [BU] (di cdn., che nol à o nol mostre sensibilitât, partecipazion e v.i.)
    è un uomo frigido, e non vuole avere a che fare con nessuno = al è un om frêt, e nol vûl vê a ce fâ cun nissun

    adi. frêt Copie

    (di ategjament e sim., cence slanç o entusiasim)
    un abbraccio frigido = un abraç frêt
  • 3

    s.m. frigjit Copie

    [CO], [TS] psic. (che, cui che, massime cun riferiment a une femine, nol à o al à pocje sensibilitât ai stimui sessuâi)
    la paziente era frigida, a causa di un trauma infantile = la paziente e jere frigjide, par vie di un traume infantîl

monolengâl

frêt adi., s.m.
Che al è a temperadure basse o plui basse di chê ambientâl o dal cuarp, che al prodûs une sensazion contrarie a chê dal cjalt
sinonims
dûr, glaçât, inglaçât, crût
esemplis
"une fontanute di cise cu la aghe frede e cjantarine"
gjavât fûr di "La aghe da pît la cleve" di Dino Virgili
"une fumate grise, frede, sirocâl e infagotave i pins alts e neris"
gjavât fûr di "I "resti"" di Pieri Somede dai Marcs
Viôt ancje: freit
frêt adi.
Di robe di mangjâ o di bevi, che e à une temperadure basse, par vie che si use a mangjâle o bevile cussì
esemplis
"- Elementâr – dissal Begot e cussì disint al ordenâ un cafè frêt"
gjavât fûr di "La rambe" di Fabian Ros
"par cene, dome un plat frêt. O vevin mangjât masse a gustâ"
gjavât fûr di "Trê feminis" di Gianni Gregoricchio
frêt adi.
Spec. tal lengaç sportîf, di muscul o di atlete, no ancjemò scjaldât, no ancjemò pront di sopuartâ un sfuarç
esemplis
"fasêt riscjaldament, no si pues fâ i esercizis cui muscui frêts"
frêt adi.
Che al à il cuarp che nol è plui cjalt par vie che al è muart
esemplis
"cussì vuê le vin cjatade frede, che la aghe le sbateve cuintri i sclusets. E doman le butaran sot, sine luce e sine cruce, parcè che la Glesie no po aprovâ cui che al si cjol la vite di bessôl"
gjavât fûr di "Lis predicjis dal muini" di Josef Marchet
"che lu coionavin o lu tiravin a ciment, ur coreve daûr e ur petave di lassâju frêts"
gjavât fûr di "Pre Pitin" di Antoni Beline
frêt adi.
Cence partecipazion emozionâl, cence passion (fig.)
sinonims
di glace, distacât, dûr, glaçât, impassibil, ruspi, sec, sut, impersonâl, smamît, smuart, sterp
esemplis
"par solit lui al veve un mût di fâ frêt e smavît, e plui di dut pierdût intune ironie pinsirose"
gjavât fûr di "Il dolfin" di Carlo Sgorlon
"un om plen di principis e di teoriis e frêt come il nâs dal cjan"
gjavât fûr di "Pre Pitin" di Antoni Beline
frêt adi.
Di colôr o tonalitât che al parten ae gradazion dal vert o dal blu
esemplis
"la linie di stîl dal gnûf sît [...] e je frescje e nete, su lis tonalitâts fredis dal blu cun detais zâi par riclamâ la bandiere furlane"
gjavât fûr di "Il gnûf e-fogolâr dal Istitût Tellini" di Michele Vuardianut Calligaris
detulis
"a Nadâl frêt mortâl"
"a Sant Benedet la cisile e passe sot il tet, passe no passe, il frêt nus lasse"
"a Sant Blâs il frêt al taie il nâs"
"a Sant Nicolò il frêt al dîs: o soi ca cumò"
"a Sante Catarine il frêt al 'simine"
"a Sante Catarine il frêt al va in cusine"
"ce che al pare il frêt al pare ancje il cjalt"
"che al sedi cjalt che al sedi frêt, cui che al à di bevi al à simpri sêt"
"cuant che al cjante il ciuçau, il frêt al va a cjadaldiaul"
"cuant che la nêf e je su la mont Pinêt, par dut il mont al è frêt"
"cui che al è scotât ta la aghe cjalde al à pôre di chê frede"
"cui che nol à frêt no si scjalde"
"Diu al mande il frêt daûr dal tabâr"
"Epifanie, il frêt si invie"
"fin a Nadâl il frêt nol fâs mâl, di nadâl inlà il frêt si 'nd va"
"il jet cjalt al fâs la mignestre frede"
"il puar al mûr passût, il siôr di fam, il predi di frêt"
"il Signôr al mande il frêt daûr de vieste"
"man frede, cûr cjalt"
"nêf in mont, frêt al plan"
"ni il cjalt ni il frêt il lôf no ju à mangjâts"
"ni il cjalt ni il frêt nissun no ju à mangjâts"
"ni il frêt ni il cjalt nissun no ju à mangjâts"
"Pasche tafanie il frêt al va in smanie"
"prin di Nadâl il frêt nol è rivât, daspò Nadâl il frêt al è passât"
"Sant Antoni, il frêt al va di coni"
"Sant Antoni, il frêt al va in demoni"
"Sant Blâs il frêt al fâs la pâs"
"Sante Catarine e mene il frêt cu la caretine"
"Sante Luzie il frêt al cuzie"
"Sante Luzie il frêt si invie"
"si nas cjalts e si mûr frêts"
"tal frêt e sta ben dome la glace"
torne sù
torne sù